1 JOHAN 5
5
Isanü Alomi Kukkhi
1Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh. 2Küyimki isanü Thrünpuh muzhoba tüsho api yuzüng anibanü ha hode isanü Thrünpuh tsührübo muzholah de mükheahchoh. 3#Jhn 14.15Tümüde isanü api yuzüng anikhi ju Thrünpuh muzhokhi ah tüsho api yuzüng ju hahmülang yung. 4Tümütüsho Thrünpuh tsührübo abannü alomi kukchoh; tüsho isa akin hode isanü alomi kurungkheak akuk ngükhi lah. 5Shepünü alomi kukpü la? Jisu ju Thrünpuh tsührü de akinrünü lang ah.
Jisu Khrista dünkheak Thiyumütsan
6Jisu Khrista ha ke tüsho thiyih hode arükhi lah, ke hodü lang yung; tüshe ke tüsho thiyih hode ah. 7Tüsho Me ju thiyumütsan lah, tümütüsho Me thiyuro ah. 8Thiyumütsan mahsam lah, Me, ke, tüsho thiyih; tüsho harü mahsam arihlah. 9Isanü mihtsürü thiyumütsan leangkhichoh, tüshe Thrünpuh thiyumütsan atobe ah tümütüsho apinü atsührü dünkheak jihkhi Thrünpuh thiyumütsan ah. 10Shepünü Thrünpuh tsührü kinchonü amulong ching ha thiyumütsan lah. Shepünü Thrünpuh mükinnü api akeangyu tharü kamshihdo, tümütüsho Thrünpuhnü atsührü dünkheak thiyumütsan thsükhi ching apinü mükin. 11#Jhn 3.36Tüsho Thrünpuhnü isa kilim lün rhangdung jihkhi ha thiyumütsan ah, tüsho ha rhangdung api tsührü kheak lah. 12Shepü atsührü lanü rhangdung lah; shepü Thrünpuh tsührü mülanü rhangdung müla.
Lün Rhangdung
13Sherünü Thrünpuh tsührü mung ching kinchonü inü ha nüsa kilim thrütchoh, junangde nüsa lün rhangdung lah de nüsanü amükheahbah. 14Tüsho ha isanü api kheak mulongram lakhi lah, junangde isanü api lümkhi yande tümükhüh kheangsho apinü isa ki anijihchoh. 15Tüsho isanü tümüpürü kheangbanü apinü isa ki anijihchoh de isanü mükheahsho, isanü api ki mushukhi ngüdo de isanü mükheahchoh. 16Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung. 17Amülim rhimokhi alala neak ah, tüshe amüshepü thsüde neak lah.
18Thrünpuh tsührünü a neak müyihbeak de isanü mükheahlah, tüshe shepü Thrünpuh tsührüanü apinü kümchoh, tüsho amüneannü api müqiu.
19Isa Thrünpuh yo, tüsho alomiküp athrünkhi amünean wu ching lah de isanü mükheahlah.
20Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung. 21I tsührübo, sangthsübo kheaknü nüsa tsokhide laang.
Currently Selected:
1 JOHAN 5: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 JOHAN 5
5
Isanü Alomi Kukkhi
1Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh. 2Küyimki isanü Thrünpuh muzhoba tüsho api yuzüng anibanü ha hode isanü Thrünpuh tsührübo muzholah de mükheahchoh. 3#Jhn 14.15Tümüde isanü api yuzüng anikhi ju Thrünpuh muzhokhi ah tüsho api yuzüng ju hahmülang yung. 4Tümütüsho Thrünpuh tsührübo abannü alomi kukchoh; tüsho isa akin hode isanü alomi kurungkheak akuk ngükhi lah. 5Shepünü alomi kukpü la? Jisu ju Thrünpuh tsührü de akinrünü lang ah.
Jisu Khrista dünkheak Thiyumütsan
6Jisu Khrista ha ke tüsho thiyih hode arükhi lah, ke hodü lang yung; tüshe ke tüsho thiyih hode ah. 7Tüsho Me ju thiyumütsan lah, tümütüsho Me thiyuro ah. 8Thiyumütsan mahsam lah, Me, ke, tüsho thiyih; tüsho harü mahsam arihlah. 9Isanü mihtsürü thiyumütsan leangkhichoh, tüshe Thrünpuh thiyumütsan atobe ah tümütüsho apinü atsührü dünkheak jihkhi Thrünpuh thiyumütsan ah. 10Shepünü Thrünpuh tsührü kinchonü amulong ching ha thiyumütsan lah. Shepünü Thrünpuh mükinnü api akeangyu tharü kamshihdo, tümütüsho Thrünpuhnü atsührü dünkheak thiyumütsan thsükhi ching apinü mükin. 11#Jhn 3.36Tüsho Thrünpuhnü isa kilim lün rhangdung jihkhi ha thiyumütsan ah, tüsho ha rhangdung api tsührü kheak lah. 12Shepü atsührü lanü rhangdung lah; shepü Thrünpuh tsührü mülanü rhangdung müla.
Lün Rhangdung
13Sherünü Thrünpuh tsührü mung ching kinchonü inü ha nüsa kilim thrütchoh, junangde nüsa lün rhangdung lah de nüsanü amükheahbah. 14Tüsho ha isanü api kheak mulongram lakhi lah, junangde isanü api lümkhi yande tümükhüh kheangsho apinü isa ki anijihchoh. 15Tüsho isanü tümüpürü kheangbanü apinü isa ki anijihchoh de isanü mükheahsho, isanü api ki mushukhi ngüdo de isanü mükheahchoh. 16Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung. 17Amülim rhimokhi alala neak ah, tüshe amüshepü thsüde neak lah.
18Thrünpuh tsührünü a neak müyihbeak de isanü mükheahlah, tüshe shepü Thrünpuh tsührüanü apinü kümchoh, tüsho amüneannü api müqiu.
19Isa Thrünpuh yo, tüsho alomiküp athrünkhi amünean wu ching lah de isanü mükheahlah.
20Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung. 21I tsührübo, sangthsübo kheaknü nüsa tsokhide laang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.