1 JOHAN 2
2
Khrista Isa Rungrü
1I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah; 2api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah. 3Tüsho isanü api yuzüngbo zosho isanü api mükheahpü ha hode amütsanbah. 4Shepünü “Inü api mükheahlah” de thabah api yuzüngbo maninü akeangyu tharü ah, tüsho thiyuro api kheak müla; 5tüshe shepünü api yu zochonü, thiyuronü Thrünpuh muzhokhi banthsangde lah, ha hode isa api lung lah de amütsanbah: 6Shepünü anihbuh api lung lah de thachonü apinü atsahkhi limro ching anihbuhnü atsahbeah.
Thiyuzüng Aso
7 #
Jhn 13.34
Amuzho müyamrübo, inü nüsa kilim thiyuzüng aso tümü müthrüt, tüshe atankih chingnü nüsa lakhi awün yuzüng ah; awün yuzüng ju nüsanü asokhi lah. 8Tütüshe api tüsho nüsa kheak thiyuro lakhi thiyuzüng aso inü nüsa kilim thrütchoh, tümütüsho amiting hode tsochoh tüsho thiyuro ayin kamruhroro tahde lah. 9Shepünü api ayin ching lah de thabah keoniorü thraneanchonü kheakü khiungde amiting ching lah. 10Shepünü nihbuh keoniorü muzhochonü ayin ching lah, tüsho ju ching jing mükheshihbe müla. 11Tüshe shepünü nihbuh keoniorü thraneanchonü amiting ching lah tüsho amiting ching tsahchoh, tüsho küching yüchonü apinü mümükheah, tümütüsho amitingnü api mükbo tukshihdo.
12I tsührübo, inü nüsa kilim thrütchoh, tümütüsho api thsülimnü nüsa neakbo bahjihdo. 13Buhrübo, inü nüsa kilim thrütchoh, tümütüsho shepü atankih chingnü alakheanü nüsanü api mükheahlah. Athrününgtsüngbo, inü nüsa kilim thrütchoh, tümütüsho nüsanü amütsübe chingnü tsokhitdo. Azürübo, inü nüsa kilim thrütchoh, tümütüsho nüsanü Abuh mükheahlah. 14Buhrübo, inü nüsa kilim thrütchoh, tümütüsho shepü atankih chingnü alakheanü nüsanü mükheahlah. Athrününgtsüngbo, inü nüsa kilim thrütchoh, tümütüsho nüsa sühmüh lah, tüsho Thrünpuh yu nüsa kheak lah, tüsho nüsanü amütsübe chingnü tsokhitdo.
15Alomi yungsho alomi ching lakhi kukrukbo dümuzho. Khürünü alomi muzhosho, Abuh muzhokhi api kheak müla. 16Tümüde alomi ching lakhi alala, shihnü akünkhi, müknü amürühkhi tüsho lülüshishi rhangdung ju Abuh yo yung tüshe alomi yo ah. 17Tüsho alomi le junü akünkhi hode tsoabahchoh; tüshe shepünü Thrünpuh lümkhi rhimochonü lünnü lah.
Khrista Riri
18Azürübo, ha akheam kim ah; Khrista azhihrü arüchoh de nüsanü asokhi nangde kheakü Khrista azhihrü ahihkhüh arüdo; jumonü ha akheam kim ah de isanü mükheahlah. 19Arü isa kheaknü awukhiukkheah, tüshe arü a isa lung mübe; tümüde arü isa lung bekhülaa, arünü isa lung mutuklode alabah; tüshe arü alala isa lung mübe de amütsanpü arü wukhiukdo. 20Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah. 21Nüsanü thiyuro mümükheahkhinü yung, tüshe nüsanü ju mükheahkhinü tüsho akeangyu ju thiyuro yo yung de amükheahmonü inü nüsa kilim thrütchoh. 22Shepü akeangyu tharü a? Jisu ju Khrista yung de atharü mihtsürü ah. Shepünü Abuh tüsho atsührü bahyukchonü, ju Khrista azhihrü ah. 23Shepünü atsührü bahyukchonü Abuh she bahyukchoh. Shepünü atsührü leangkhichonü Abuh she leangkhichoh. 24Atankih chingnü nüsanü tümü sodünü nüsa kheak lashang. Nüsanü atankih chingnü asokhi nüsa kheak lasho, nüsanü atsührü tüsho Abuh kheak labah. 25Tüsho ha lün rhangdung apinü isa ki alokhikhi lah.
26Sherünü nüsa mülapyukpü lanü ju dünkheak inü nüsa ki thrütchoh; 27tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang. 28Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü. 29Api thiyuro-lungki ah de nüsanü mükheahsho, alungki rhimorü aban api tsührü ah de nüsanü amütsanbah.
Currently Selected:
1 JOHAN 2: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 JOHAN 2
2
Khrista Isa Rungrü
1I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah; 2api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah. 3Tüsho isanü api yuzüngbo zosho isanü api mükheahpü ha hode amütsanbah. 4Shepünü “Inü api mükheahlah” de thabah api yuzüngbo maninü akeangyu tharü ah, tüsho thiyuro api kheak müla; 5tüshe shepünü api yu zochonü, thiyuronü Thrünpuh muzhokhi banthsangde lah, ha hode isa api lung lah de amütsanbah: 6Shepünü anihbuh api lung lah de thachonü apinü atsahkhi limro ching anihbuhnü atsahbeah.
Thiyuzüng Aso
7 #
Jhn 13.34
Amuzho müyamrübo, inü nüsa kilim thiyuzüng aso tümü müthrüt, tüshe atankih chingnü nüsa lakhi awün yuzüng ah; awün yuzüng ju nüsanü asokhi lah. 8Tütüshe api tüsho nüsa kheak thiyuro lakhi thiyuzüng aso inü nüsa kilim thrütchoh, tümütüsho amiting hode tsochoh tüsho thiyuro ayin kamruhroro tahde lah. 9Shepünü api ayin ching lah de thabah keoniorü thraneanchonü kheakü khiungde amiting ching lah. 10Shepünü nihbuh keoniorü muzhochonü ayin ching lah, tüsho ju ching jing mükheshihbe müla. 11Tüshe shepünü nihbuh keoniorü thraneanchonü amiting ching lah tüsho amiting ching tsahchoh, tüsho küching yüchonü apinü mümükheah, tümütüsho amitingnü api mükbo tukshihdo.
12I tsührübo, inü nüsa kilim thrütchoh, tümütüsho api thsülimnü nüsa neakbo bahjihdo. 13Buhrübo, inü nüsa kilim thrütchoh, tümütüsho shepü atankih chingnü alakheanü nüsanü api mükheahlah. Athrününgtsüngbo, inü nüsa kilim thrütchoh, tümütüsho nüsanü amütsübe chingnü tsokhitdo. Azürübo, inü nüsa kilim thrütchoh, tümütüsho nüsanü Abuh mükheahlah. 14Buhrübo, inü nüsa kilim thrütchoh, tümütüsho shepü atankih chingnü alakheanü nüsanü mükheahlah. Athrününgtsüngbo, inü nüsa kilim thrütchoh, tümütüsho nüsa sühmüh lah, tüsho Thrünpuh yu nüsa kheak lah, tüsho nüsanü amütsübe chingnü tsokhitdo.
15Alomi yungsho alomi ching lakhi kukrukbo dümuzho. Khürünü alomi muzhosho, Abuh muzhokhi api kheak müla. 16Tümüde alomi ching lakhi alala, shihnü akünkhi, müknü amürühkhi tüsho lülüshishi rhangdung ju Abuh yo yung tüshe alomi yo ah. 17Tüsho alomi le junü akünkhi hode tsoabahchoh; tüshe shepünü Thrünpuh lümkhi rhimochonü lünnü lah.
Khrista Riri
18Azürübo, ha akheam kim ah; Khrista azhihrü arüchoh de nüsanü asokhi nangde kheakü Khrista azhihrü ahihkhüh arüdo; jumonü ha akheam kim ah de isanü mükheahlah. 19Arü isa kheaknü awukhiukkheah, tüshe arü a isa lung mübe; tümüde arü isa lung bekhülaa, arünü isa lung mutuklode alabah; tüshe arü alala isa lung mübe de amütsanpü arü wukhiukdo. 20Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah. 21Nüsanü thiyuro mümükheahkhinü yung, tüshe nüsanü ju mükheahkhinü tüsho akeangyu ju thiyuro yo yung de amükheahmonü inü nüsa kilim thrütchoh. 22Shepü akeangyu tharü a? Jisu ju Khrista yung de atharü mihtsürü ah. Shepünü Abuh tüsho atsührü bahyukchonü, ju Khrista azhihrü ah. 23Shepünü atsührü bahyukchonü Abuh she bahyukchoh. Shepünü atsührü leangkhichonü Abuh she leangkhichoh. 24Atankih chingnü nüsanü tümü sodünü nüsa kheak lashang. Nüsanü atankih chingnü asokhi nüsa kheak lasho, nüsanü atsührü tüsho Abuh kheak labah. 25Tüsho ha lün rhangdung apinü isa ki alokhikhi lah.
26Sherünü nüsa mülapyukpü lanü ju dünkheak inü nüsa ki thrütchoh; 27tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang. 28Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü. 29Api thiyuro-lungki ah de nüsanü mükheahsho, alungki rhimorü aban api tsührü ah de nüsanü amütsanbah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.