ROMTE 4
4
Ginna ah Etton Tâk Abraham
(Thl 17.10)
1Chutichu ahileh, taksa lam ah I puu Abraham chung thu ah chun bang a hem I gen ding uh?
2Ama chu thil hi’ziak ah midik ah kisim ahileh vang, kisuanna ding a nei hi, ahi’n la, Pathian lam ah vang a nei puai.
3 #
Thl 15.6; Gal 3.6 Pathian Lekha thu chun bang a gen em? “Abraham chun Pathian a ging ah, zia chu ama dikna ah ngai ahi,” ti ahi.
4Nasemtu law kipia chu hepina ziak a hipua’n, bat ah ngai ahi zawi.
5Himaleh, nasep ziak hilo ah, Pathian helote thiam chansakpa ah ginna nga mi ginna chu, a dikna ah ngai ahi.
6Mi a nasep ziak hilo ah, Pathian in midik ah a ngaite chu, mi hampha ahi dan uh, David in zia gual hin a la gen a:
7 #
Sam 32.1,2 “A thil hi’khelnau ngaidam ah um ah,
a gitlonateu liakhu ah um chu,
mi hampha a hiu.
8 Lalpa‘n gitlona nei ah a guatlote chu,
mi hampha a hiu,” ti in.
9Ahileh, zia hamphatna chu zektante kiang bep ah um a hem, zektanlote chung ah le? “Abraham ginna chu a dikna ah ngai ahi,” I tiu a.
10Zia chu bang gual ah hithei a hem? A zektan nung a hem, a zektan masang in? A zektan nung in a hipua’n, a zektan masang in ahi zawi.
11 #
Thl 17.10
Tichun, zektanlo ah a um lai in, ginna’n dikna a mui ti tepte’na chu a chang in; zia dikna chu amau â ding ah guat a hi’na dingin; zektanlote lak ah a gingtute zosia pa a hitheina dingin.
12Chutichun, zektanlote â ding ah zektan pa bep hilo in, I puu Abraham zektanlo ah a um lai ah, ginna a nei gual ah neite pa le ahi.
Ginna Ziak ah Thutiam Channa
13 #
Thl 17.4-6; 22.17,18; Gal 3.29 Abraham leh a suante kiang ah, khawvel golua’na ding thutiam kha dan ziak a hipua’n, ginna ah dikna ziakin ahi zawi.
14 #
Gal 3.18
Dan ah umte bep a golua ding hitaleu chu, ginna chu bangmalo hita’n tin, zia thutiam chule mattâk lo hita ding ahi.
15Dan um lona chun bawsiatnale a um pua’n, dan chu lungnatna supuang bep ahi zawi.
16 #
Gal 3.7
Hepina ziak ahitheina dingin ginna chu a hung um ah, a thutiam chu a suante zosia chung ah, a tawp chan ah a um zing theina dingin, Dan nuai ah umte bep hilo in, Abraham ginna kikoppite â dinginle ahi, ama chu I leng ua pa ahi ngal a.
17 #
Thl 17.5
Pathian lekha thu ah, “Nam tam takte pa hiding in ka hun siam tai,” a ti gual ah khan; a gin Pathian chun mithi a kaithaw ma pek a khanle, thil umlo te chu a um gual in a la gen thei ta ahi.
18 #
Thl 15.5
Tichun, nam tam takte pa a hung hi’theina ding ah chun, a kigen tasa gual ngei in, kinepna ding umlo kei inle kinepna a la neitheina, ginna a nei ziakin, “La suan chu zia gual ah chu tam tak hiding a hiu,” ti chu a hung dik ta ahi kha.
19 #
Thl 17.17
Chuleh, kum za khat hial a tin ah, a thisa tawhbang ah ngai thei, tâksa chu tawh, Sarah chîng chule a ngaitua ah, ginglel lo hial in a um a.
20Ginna tasam in Pathian thutiam chu a ginglel diak pua’n, ginna hat tak in Pathian a chawihoi zaw ta’n;
21a thutiam a lawtinsak thei hi ti a gingcha ma ma ah, a ginna chu a hung detzaw ta ahi.
22Ziaziakchun, a ginna chu a dikna guat ahi tai.
23Tu’hin zia thute hi ama ziak bep ah kizik a hipua’n,
24eimau â dinginle zia gual ah chun, eimau chung ah le sukdetna umthei ahi, Jesu I Lalpau thina kipat thokit chu I gin phot ua leh;
25 #
Isa 53.4,5 ama chu I gitlonau ziakin thâ in a um ah, thiam I channa ding un kaithaw in a um kit tai.
Currently Selected:
ROMTE 4: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
