MATTHAI 7
7
Midang Vaihawm piak Thu
(Luk 6.37-38,41-42)
1Mi gensia kiu in, gensiat ah la um lona ding un.
2 #
Mar 4.24
La gensiat gual mau in gensiat hi’n lau; la te’na ngai mau ah hun te’ piak kit in au.
3Bang a tia nangma mit ah thingtum um chu ngaitua lo ah, la unau mit ah thil them neucha um chu la mu thei?
4Nangma mit ah thingthem um zing ngal a, bangti’n a hem la unau kiang ah, “La mit ah kipat ki’dak neucha um kha ei lâkdawsak in,” la ti thei ding?
5Nang, mi kiphatsak, a masa’n nang mit ah kipat thingtum kha ladok masa’n la; chutichun la unau mit ah ki’dak neucha um chu, ladok thei dingin muchian thei ta’n la.
Thilthiang jalo
6Uicha kiang ah chun thil thiangtho pekiu in; vokpi ma-âng ah le tuikep suang paitha kiu in; a keng un childen bep in tiu in, nang le hun sukliam khawlaw bep in au.
Don, Hawl Chuleh Kiu
(Luk 11.9-13)
7Don un, tichun piak in um in lau; hawl un, mun lau; kiu un, tichun, hon piak in um in lau,
8kuale a don tapo chun a mu sek ui; kuale a hawl chun a mu sek ui; kuale kot kiu tapo chu hon piak hi’n au.
9Nanghaw lak ah kuale a chapa’n vaithum don taleh, kua a hem suang pia ding?
10Aleh, sanga don taleh kua a hem gul pia ding?
11Nang uh mi phalo in bawn, la chateu thilpha piakna châng la het ua leh, la Pau van ah um chun a donte chu thilpha pia zaw ma malo ding a hem?
12 #
Luk 6.31
Nangmau chung ah min hileu ti la dawi gual tak un, nang unle mi chung in bawl un; zia chu Dan leh jawlneite thuhil ahi ngal a.
Kotkhak Neu Chu
(Luk 13.24)
13Kotkhak neu ah chun lut un; manthaina lam zotna kot chu a lian in, a lampile a nuam in, zia lam ah chia chu tamle a tam ui.
14Hinna lutna kotkhak chu a chîp in, a lampile a haksa’n, a mu te le tawmcha a hiu.
Thing Leh A Ga
(Luk 6.43-44)
15Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.
16Amau chu a gau ah kipat in he mai in lau. Khau lingnei gui ah grep ga a kilo ngai em? Lingkung ah le theichang a kilo ngai em?
17Zia gual ma chun thingpha tapo a ga a pha sek in, thingsia tapo a ga le a sia sek hi.
18Thingpha ga a sethei pua’n; thing siale a ga a pha thei diak puai.
19 #
Mat 3.10; Luk 3.9 Thing tin ga phalo tapo chu a phûk un, mei lak in a pai lut sek ui.
20 #
Mat 12.33
Tichun, amau chu a gau in he mai in lau.
Eima Kithepna
(Luk 13.25-27)
21 Lalpa, Lalpa, ei ti taphot van-gam lut ding a hiziang puau; ka Pa van ah um dawi gual hi’te bep lut ding a hiu hi.
22Zia ni tak chuleh mi tam tak in, “Lalpa, Lalpa, la min in thute ka gen sek in, la min in thithate ka deldok sek in, la min in thilmak tam tak le ka hisek hilo a hem?” a la ti’n au.
23 #
Sam 6.8
Himaleh, keima’n a kiang un, “Nang uh thil gilo hi’te haw, ka hun hekha ngai puai, ka kiang ah kipat chia mang un,” a la ti ta’ng ka.
Nakhang ah Hete leh A Zuite
(Luk 6.47-49)
24Kuale zia ka thugen hi he ah mang tapo chu, mipil suangpi chung ah Insapa gual chu hi’n a.
25Gua a hung zu, tui a hung lian ah, thigua a hung hâng ah, zia In chu a hun nam sot sot a; himaleh, suangpi chung ah sak det ahiziak in, a pûk diak puai.
26Chun, kuale zia ka thugente hi he ngal ah mang lo tapo chu, mingol piaunêl chung ah In sapa gual chu hi’n a.
27Gua a hung zu, tui a hung lian a, thigua a hung hang a, zia In chu a hun nam sot sot ah, a chim ta ahi; a chip chu a huaisia na e! a tia.
28 #
Mar 1.22; Luk 4.32 Jesu’n zia thute chu a gen zaw phatin, mipite chun a thugen chu mak a sa ma mau hi.
29Ama chun a lekha zikteu gual ah thu gen lo in, thunei tak gual ah a gen zawk ziak ahi.
Currently Selected:
MATTHAI 7: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
