MATTHAI 3
3
Baptispa Johan Thugen
(Mar 1.1-8; Luk 3.1-18; Joh 1.19-28)
1Zia lai ah chun, Baptispa Johan chu hung in, Judai gamthip ah thu a hung gen a:
2 #
Mat 4.17; Mar 1.15 “La gitlo uh haisan tau in, van-gam chu a nai tai,” ti in.
3 #
Isa 40.3
Ama chu ahi, jawlnei Isai in:
Gamthip ah mi kiko chun,
“Lalpa lamlian siamtup unla,
a lampite siamzang ta un, a tii,”
ti ah a gen kha.
4 #
2 Le 1.8
Zia Johan chun sangawngsau mul puan a sil ah, a kawng chu savun kawnggâk in a gâk ah; a an chu gam bepi leh gam khuaizu ahi.
5Zia lai ah chun, Jerusalem khua mite, Judai gam ah mite leh Jordan luidung ah mi zosia a kiang in a hung khawm ua;
6a gitlonateu kipuang in, Jordan lui ah chun baptisma a chang chiat tau hi.
7 #
Mat 12.34; 23.33 Himaleh, Pharisaite leh Sadukaite tam tak baptisma chang ding ah hung a la mu phât in a kiang un, “Gulsuante haw, lungnatna hung tung ding chu pumpel dingin kua’n a hun hil em?
8Gitlo haisanna tawh kilawm ga chu hun sua phot tau in.
9 #
Joh 8.33
Abraham chu ei suanpa ahi ti ziang kiu in, Pathian in zia suangte hi le Abraham suante a chansak thei hi ti ka hil la hiu.
10 #
Mat 7.19
Heicha chu thingbul tin in a koi tau hi; ga pha sua lo taphot phûk in mei ah pai lut ding a hiu.
11Keima’n gitlo haisanna di’n tui in ka hun baptis in, ka nung ah hungdingpa chu keima sâng in a lopi zaw’n, a kengtawdap chawi tâk le ka hi puai. Ama chun, Thagau Thiangtho leh mei in hun baptis in a.
12A khut in phajâp a chawi ah, a bu’te chu hun jap thiang intin, a bupang ah chun koihe in a. Busite vang chu mei mitthei lo ah chun hâl ta’n a,” ti’n a gen a.
Jesu Baptisma Channa
(Mar 1.9-11; Luk 3.21-22; Joh 1.29-34)
13Ziaphatchun, Jesu chu Galili gam ah kipat in Jordan lui ah baptisma chang dingin Johan kiang in a hung a.
14Himaleh, Johan chun, “Nang in lei baptis zawk sik ah, ka kiang ah la hung zaw ahi maw?” ti’n nan a la gua.
15Himaleh, Jesu’n a kiang in, “Tu’hin ei chansak mai in, zia gual ah dikna dan zosia sukbukim hi I bawl dingin a kilawm hi,” ti’n a dawnhu a; tichun lem a sa tai.
16Jesu baptisma a chan zaw ah tui lak ah kipat a hung pawt phatin, van a hung kihong a, Pathian Thagau chu vakhu gual in a hung suk ah, a chung ah hung chû a mu tai.
17 #
Thl 22.2; Sam 2.7; Isa 42.1; Mat 12.18; 17.5; Mar 1.11; Luk 9.35 Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.
Currently Selected:
MATTHAI 3: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.