Salmai 88

Inyôkö Hinòlṙen

1Ō Mā Tēv, ngam Tēv, inyööken chu: peuheū, harap ṙô chin peuinyhökūö Meh.

2Hökngen öp ṙô chu ve-ekūö Meh nö sölhöt nö i kūö Meh: asītö elnang re Man im ṙô chu peuiny.

3Tön tööḵlö ön ngih ellōn chu tö kanihngen: röhta an inrē ngam nômö chu nö el chūök kupah.

4Ngaich chin kaheuktu in cha yip chamuh el anūlö: sā tarik chin töt hōluṙen.

5Kavāli pöri kupah, sā tö fëli öp tö hulahaka, nö el anūlö: öp töt ōtre infēka tö Meh; ngaich acha-a nö rökiṙen nö ṙā-ang el tī Meh.

6Ngaich Man haṙōlngen chu el ap lātaṙeū takô anūlö: el tö sangūla chūökö, el ngam tö aṙū.

7Röpta ngam lanīnö Meh nö in chu: ngaich Me-eṅ hakihten chu, Öm aṅtī tö minë mahūṅvö Meh.

8Ṙūhöyö yik mak-alaha chu tö Meh nö marôvat; vītu chin tö Meh sin-òkkūö cha: öpikūö chin, ngaich öt kô öich meutnyi.

9Kūö kanihngen chu nö lënyi në mat chu: Ō Mā Tēv, öt hĕnghang sumkam ṙô chin havëken Meh, hanyāklö në kël re chin in Meh.

10Hameuktö pinngangkūö Öm min i kupah: choholre yip tö kapah min nö ha-öinyö Meh?

11Vënyu öng min ngam miṙēlōn hanāngen Meh nö el anūlö: hēk, ngam kanô-en, nö tinṙölngö?

12Akaha nup min pinngangkūö tī Meh nö el sinngūlö: ngam lanöökö Meh inrē nö el ap panam vanaichngö?

13Ō Mā Tēv, peuinyhökūö Meh pöri chū-ö: hē el peuheū ap min vine-eṅkūö Meh tö chu nö söllö nö i kūö Meh.

14Mā Tēv, kūöyòh Öm kavalngö ngih nômö chu: kūöyòh Öm hanyatngö kūöre tö chu?

15Löktö kūö nyinī-öre chin kihten, lēn inrē kapah: tūökngöre chin i saha chu kihngen tö ngam aṅ in Meh pinhe-eṅkūö.

16Lök i kūö chu an ngam tö kalēḵ tanānyö Meh: rökiyö chin tö ngam pinhe-eṅkūö aṅ in Meh.

17Sā yanīhi mak nun nö havīlen chu, nö i rô-òtö sakāmö: havīlen chu nun nö holṙen re.

18Ṙūhöyö yik tö Meh tö hāngen, hol chu inrē, nö marôvat tö chu: yik mak-alaha chu inrē nö el sinngūlö.

Currently Selected:

Salmai 88: CANIBSI

Highlight

Copy

Compare

Want to have your highlights saved across all your devices? Sign up or sign in

Car Nicobarese (Re-edited) Bible - TÖHET LĪPÖRE

Popular Bible Verses from
Salmai 88

BibleProject