Salmai 41
41
Ṙô Tövāhav tarik
1Tökôlò ön ngòh ngamëichkö yāich: ṙānyen ò an min ngam Mā Tēv, hē öp tötlöök sakāmö.
2Aṅten ò an min ngam Mā Tēv, haköpken ò inrē nö aṅ, ngaich kôlò min anga-aṅ nö i kūö ngih panam: öt kēḵtu inrē tö meh anga-aṅ nö i lōn yip lā-alre.
3Ṙapken ò an min ngam Mā Tēv yĕn öt kalēḵen nö el chamamre: hayōm öp cha-mam ò man min yē ò nö vahavö.
4Ngö ṙô chin, Ō Mā Tēv, aheūkölōn tö chu: le-en nômö chu; tön köölö fālen chin in meh.
5Chōchô yip lā-al chu tö chu nö ngö ṙô: Hē ò min nö kapah, payāyi ap min minë-eny Ò?
6Ngaich yē ò nö yih nö chöhken chu, ngaich ṙôtö minyôiny anga-aṅ: hamūl tökööl ap ellōn ò nö in re; ṙôtö e anga-aṅ yĕn chuh elkahôyö.
7Ṙòkhöre yip tösumrīk tö chu nö hiṙeūkôre nö lā-al chu: lā-al chu yin nö halēnlö chanökhutīre.
8Ngö ṙô cha-a, Köpta ap töt-löök invah nö in Ò: öt choholre an min nö ngaich, choholre an min nö ngaich, pò Ò nö hulalhaka.
9Hôṅ, öp töha-eh hol chu, chūök nyanatlö chu: nyamā nya-aṅkūö chu, supëòklöre nö lā-al chu.
10Aheūkölōn pöri më-eṅ, Ō Mā Tēv, tö chu: hachohlen chu, hòṅ chu havahalre tö cha.
11Angū-ö an min lökten chu akahalōn, tö meh öm ööyu in chu: pò ngam lā-al chu nö ötkô nö in chu.
12Ṙapka pöri chū-ö tö meh öich keuheūtlöre: ngaich öich ha-ūichtu i kūö meh örheūheu.
13Tökôlò an yēḵ ngam Mā Tēv, ngam Tēv Israĕl; töt chanuhuvṙen töng örheūheu. Āmen, hēk Āmen.
Currently Selected:
Salmai 41: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
