Salmai 39
39
Vinë-eny Tököölre Tö Ngòh Tökihngen Tarik
1Ngö ṙô chin. Haṙēmngenre chin i nup talöököre, hòṅ chu öt tököölu i litākre: hakāl elvāngre chin min yĕn ikūö chu ngam tötlöök.
2Chēv chin öt ṙô-òv, ṙapṙôre chin: pòrô tö tölöök; ngaich ngam miṙivlōn chu nö karūtlöngö.
3Ṙāich ngam ellōn nö latuhēt; hūlökūö ngam tameūyö yē chu chēvhaka: kaknyöre ngaich ngam litāk chu nö ṙô-òv.
4Mā Tēv, mikahtölōn chu töp manāngen chu, tö rôta sakā-mö chu inrē: hökngen chu yēḵ akahalōn tö ṙôkhangen ötkumlēḵre.
5Yĕh meuk, höng sā ṙôktāk eltī nun në sakāmö chu tö tī meh: höng törö-öv ngam ṙētö chu nö i kūö meh; kôngen ön ngòh tarik ip kumlēḵ nöng unhômö.
6Kôngen ön ngòh tarik nöng sā nyat; kôngen yin nöng tötöl: hamūl kanôlòre ön, ngaich öt akahakūö töp mahamūlö u min.
7Mā, suh papkeh ahökkö chu? In meh ap maheūṅkkö chu.
8Ṙānyen chu ṙā-ang i nup ta-nôichngen chu nö ṙòkhöre: uh chin vītu minṙēngö i tökulō-ov.
9Öt ṙô-òv chin, öt vā-ainy-kūöre: pò e nö tī meh.
10Kēḵngö ngam chanökhutīre man nö ṙā-ang in chu: ngaich chin keuheūt tökūö ngam chanökhutī meh.
11Yē meh vë-a ngaich hachip ngam tarik më-eṅ tö nup tötṙong in ò, vītu ngaich ngam vanāyö ò tö meh nö keuheūt tökūö kamlökö: kôngen ön ngòh tarik nöng unhômö.
12Ō Mā Tēv, hang ṙô chu vë-ekūö meh, kētö elnangre i ṙô chu; uh man hachēv-ngöre tö në mak mat chu: tön in meh chin öich höng aṅ tahëng, tötngöhaka, sā yik muvöhngö chu nö ṙòk-höre.
13Aṙēlen chu, hòṅ chu havan kumlēḵre hēk: urēhĕkūö chu ṙā-ang ihih, öich ngaich öt ōtren.
Currently Selected:
Salmai 39: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
