Salmai 34
34
Ha-öiny Mikah Ngam Tēv
(Sal 34.1-22)
1Örheūheu chin hakôlò ngam Mā Tēv: iṙūhen ap min nöinyö ò nö elvāng chu.
2Im Mā Tēv ön min ngih nômö nö eū-eure: ṙāmölōn min yip töyāchö ellōn nö hāngö e.
3Yĕh, hol chu hapōilö ngam Mā Tēv: hökngen hī inrē hatāilö ngam minë-eny ò öi holre.
4Chöh ngam Mā Tēv chin, ngaich sapṙô chu anga-aṅ: ṙānyen chu inrē ṙā-ang i nup pinhe-eṅkūö chu nö ṙòkhöre.
5Ngëichken ò cha-a, ngaich höhlöre: ngaich cha-a min nö öt katöngakūö.
6Hūḵa ngòh yāich tarik, ngaich hang ṙô ò ngam Mā Tēv: ngaich hayöölen ò nö ṙā-ang i nup kanihngen ò nö ṙòkhöre.
7Havīlen cha yip ma-ahānga ngam Mā Tēv: yip töpa-ekūö tö ò, ngaich ṙānyen cha.
8Yĕh, kalah kumchik, Ngëicha inrē, tö ngam Mā Tēv nö tölöök: tökôlò öp tarik öp mahayönglenre nö in ò.
9Yĕh, pa-ekūö tö ngam Mā Tēv, yī-ö töhet ò: tön rö-ö yip nö hanātuṙen töpa-ekūö tö ò.
10Hāṅten nun në kun lāyön, kapahare inrē: acha-a pöri yip chamöh ngam Mā Tēv min öt hanātuṙen tö töng löök.
11Ta-ih, yī-ö nyīö, hangihtöre tö ṙô chu: hòṅ haköpten meh chin tö pinhe-eṅkūö tö ngam Mā Tēv.
12Tarik yòh öp anga-aṅ töhòṅ nômu: töhāngenlōn inrē tö töṙōl sakāmö, pòn hòṅ meuk tölöök?
13Lakngö ngam litākre tö töt-löök: minuh meh inrē nö i huneū-euṅrô tö tötlöök.
14Kēḵĕngre ṙā-ang im tötlöök, ngaich la-evṙen tö tölöök; chöh lanāmö, ngaich tömrit e.
15Lā i tölöök nun minë mat ngam Mā Tēv: luvë-akkūö minë el nang ò nö i ṙô cha nö havë-a.
16Lā-al yip töt löökö la-en an ngam kūö ngam Mā Tēv: rökngen inköpkölōn cha nö ing panam.
17Hūḵa ngam tölöök, ngaich hang ngam Mā Tēv: ṙānyen cha inrē i nup kanihngen cha nö ṙòkhöre.
18Röhta an ngam Mā Tēv nö in cha yip töpaṙööyi ellōn: hayöölen cha inrē yip tökô-en nö haṙivlōn tö tököölre.
19Pōyen kanihngen ön ngòh tölöök: ṙānyen ò pöri ngam Mā Tēv nö ṙā-ang in u nö ṙòkhöre.
20Haköpka nup tangëḵ ò nö ṙòkhöre: öt hĕng hang tö u tö-ohngö.
21Fëlngövah tötlöök an min ngam tötlöök: ngaich cha-a min yip tösumrīk tö tölöök nö kôti nö fāluṙen.
22Ṙānyö nômö vē tarikre an ngam Mā Tēv: ngaich öt hĕng tak tö cha min yip mahayönglenre nö in ò nö asāchiyö.
Currently Selected:
Salmai 34: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
