Salmai 141
141
Harap Vinë-ekūötēv
(Sal 141.1-10)
1Mā Tēv, havëken Meh chin; hēṙen in chu: kētö elnang re i ṙô chu, yē chu havëken Meh.
2Hökngen ngam vine-eṅkūö Meh tö chu, nö ṙātu nö i kūö Meh, nö sā lōpān: sā tö kētu tö harap, ngam inchônglö kël chu.
3Ō Mā Tēv, aṅtö kūö elvāng chu: aṅtö kūö inkūp në minuh chu.
4Un harūöṙi ngam ellōn chu nö i tötlöök, nö i la-en ötlanöökö, nö in yip tarik vamī öt lanöökö: uh inrē öich nyā nup nya-aṅ cha.
5Hökngen öp tölöök nö kisōlö chu, tī tö hanāngenlōn angu-ö, hökngen ò inrē nö vëken chu, ngaich sā tavī-i angū-ö nö i kui: un sōḵ ngam kui chu tö e; tön iṙūöhöṙô chin ve-ekūö Meh, lā-al ötlanöökö cha.
6Suktu yip ma-akah fālen in cha, nö i kaha nup ihong: hang ṙô chu min cha-a; pò u nö pachāka.
7Sā öp hĕng tak kumköhlö chūök tineūchö, nö liraknyö ngam tumlat: pirātö Nup tangëḵ hī nö i kūö Anūlö.
8Pò në mat chu nö in Meh, Ō Mā Tēv: in Meh chin hayönglenre, un ṙā-ai ngam nômö chu nö ötkôlò.
9Laklen chu tö öp tinngöp ṙahātö cha: hinööngö chu, ṙā-ang i nup insuk tī yip tötlöökö la-en.
10Hökngen yip tötlöök nöng fuk el nup inhāṅl re: uh chū-ö kô-òngvah.
Currently Selected:
Salmai 141: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
