Salmai 122
122
Ha-öinyö Yeruselem
1Ṙāmölōn chin hē cha nö ngö ṙô tö chu: Tā-a töi chuh el patī ngam Mā Tēv.
2Sökhaka in lā el minë inkūp Meh: Ō Yērusalem.
3Vīlöngö an Yērusalem: nö el panam nö tö lip.
4Kūö yip miyöngö, yip miyöngö ngam Mā Tēv, nö minkahngö nö in Israĕl: nö Ha-öiny ngam mine-eny ngam Mā Tēv.
5Pòn umuh nup kantēra, chūök inkaha fālen: nup kantēra ngam pati Tāvit.
6Havëkö lanāmö Yērusalem: kôlò yip min cha-a tö hāngen tö Meh.
7Lanāmö yēḵ lā el ngam kinlōngö Meh: kanôlò el minë patī rācha Meh.
8Pòkūö yip kisānö chu nôlö chu inrē, öch ngö ṙô töngamuh: Lanāmö yēḵ in Meh.
9Pò kūö ngam patī ngam Mā tēv, ngam Tēv hī: öich chöh lanöökö Meh min.
Currently Selected:
Salmai 122: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
