Salmai 121
121
Ngam Mā Tēv An Lamaklen Hī
1Hachônglö mat re chin i minë rôngö: ṙeū-eung yih öp min hinòlṙen chu?
2Ṙeū-eung im Mā Tēv an ngam hinòlṙen chu: ngam vamī-il halīöngö tumlat inrē.
3Un an yēḵ nö hökngen ngam röön Meh nö halöinyköre: uh An yēḵ nö haṙòh ngam amahten Meh.
4Yĕh meuk ngam amahten Israĕl min nö öt leūmlö: ötrēhĕn nö haṙòh.
5Ngam Mā Tēv An amahten chu: nyat kui Meh An ngam Mā Tēv, nö lahāmö meh.
6Öt chökhukūö an min ngam tavūöi tö Meh tö sakāmö: öt rēhĕn ngam chingëṅt tö hatööm.
7Laklen Meh An min ngam Mā Tēv, i nup taṙòkhöre kanihngen aṅten mehan min.
8Aṅtö kinröönö Meh An min ngam Mā Tēv, yanīhi Meh inrē: löktökūö töngamuh, örheūheu inrē.
Currently Selected:
Salmai 121: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
