Salmai 116
116
Ha-öiny Ngam Tēv Ṙa-ang I Kinpāha
1Hāngenlōn chin tö ngam Mā Tēv: pò Ò nö hang minë ṙô chu ve-ekūö Ò.
2Pò Ò nö asītö elnang re nö in chu: lökten chin havëken Ò i rô-òten chu aṅ.
3Havīlöng chū-ö tö minë tökuvaha kinpaha; ngaich ngam chanökö el anūlö inrē nö kirūmö chu: kôtökūö chin tö kanihngen, miṙivlōn inrē.
4Ngaich chū-ö havëkö minë-eny ngam Mā Tēv: Ō Mā Tēv, ve-ekūö meh chin ṙānyö ngih nômö chu.
5Tö aṙē-ĕlōn An ngam Mā Tēv, tölöök inrē: hôṅ, tö aṙē-ĕlōn An ngam Mā Tēv hī.
6Aṅtö töt akahaṙa An ngam Mā Tēv: tumṙeūtu chū-ö ngaich hayöölen chu Anga-aṅ.
7Ō Me-eṅ nômö chu, havan man im haneūheure: tön öt milipkötīre An ngam Mā Tēv nö in Meh.
8Pò Meh ngaich ṙānyö ngih nômö chu ṙā-ang im kinpaha: në mat chu, ṙā-ang i mak mat, në kalröön chu, ṙā-ang fanukngö.
9Lök i kūö ngam Mā Tēv chin min: i panam tö aṅ.
10Ngö ṙô chin, ṙātö ellōn re chin: pōyen kanihten chin.
11Ngö ṙô chin i pinhe-eṅ kūö re: ṙòkhöre tarik nöng minyôny.
12Asuh ap min tī chu im Mā Tēv: tö kūö nup tī Ò inkôlò nö in chu?
13Kē ngam chūök òk inyööken chin min: ngaich havëkö mine-eny ngam Mā Tēv.
14Kētö nup tö chūöku chin min kinlēḵngô re im Mā Tēv: hôṅ i kūö yip tarik Ò nö ṙòkhöre.
15Tölöök An nö i kūö ngam Mā Tēv: ngam kinpaha yip töhet aṅ in Ò.
16Ō Mā Tēv, kô-en chin tarik Meh: tarik Meh chin, kūön öp tarik Meh kikānö; ngāchö tī Man luhngö në nyanëk chu.
17Kē-ĕkūö Meh chin min, tö ngam tökētu nöinyö: ngaich havëkö mine-eny ngam Mā Tēv min.
18Kētö ap tö chūöku chin min kinlēḵngô re im Mā Tēv: hôṅ, i kūö yip tarik Ò nö ṙòkhöre.
19El mikūkö ngam patī ngam Mā Tēv: ellōn meh, Ō Yērusalem. Ha-öiny ngam Mā Tēv yin.
Currently Selected:
Salmai 116: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
