Salmai 112
112
Ngam Ṙanāmölōn Öp Tölöök Tarik
1Ha-öiny ngam Mā Tēv yip: tökôlò ön ngòh tarik ngòh tö pa-ekūö tö ngam Mā Tēv, öp tö ööire nö mötlö nö i në chöngö Ò.
2Kiröng öp min kūön Ò nö ing panam: kôlò yip min tumkölchap yip tö chiplö.
3El Patī Ò nup tö pōyen kanôlò: köp inrē ngam lanöökö Ò nö örheūheu.
4Meutlö ap hanātö nö el sinngūlö nö in ngòh tö chiplö: tö aheuk An, tööḵlö tö miṙēlōn lanöökö inrē.
5Löök an nö ip tarik öp tö aheūkölōn, kamëtö tö haṙūöngö inrē: kô an min nö ip chöö-önyre ip inkaha fālen.
6Pò Ò min nö öt hētu nö hanlöinyken: öt vāchiṙen an min ngam tölöök nö örheūheu.
7Öt hō an min nö pa-ekūö tö töchōich töhāngö: köp ngam ellōn Ò, hayönglenre nö im Mā Tēv.
8Haköpi ngam ellōn ò, öt hō min anga-aṅ nö pa-ekūö: hanöng saha ò nö meuk öp lōn re nö i yip lā-al re.
9Michööḵ anga-aṅ, kē-ĕkūö töt kôlò an; köp ngam lanöökö ò nö örheūheu: hapōilöng öp min sinrōl Ò nö hol tö ineū-euṅ.
10Meūkö e min yip tötlöök, ngaich haṙīvölōn; ti-ëaṅt kui kanap re min anga-aṅ, ngaich chaṙēviyö: öt kôlò min öp lōn ngòh tötlöök.
Currently Selected:
Salmai 112: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
