Salmai 111
111
Ha-öīny Ngam Mā Tēv
1Ha-öiny ngam Mā Tēv yin; hol tö ellōn re chin min Ha-öiny ngam Mā Tēv; elṙôngö mahalēn tö chiplen, in yip tö maṙôngö inrē.
2Tökiröng nun minë la-en ngam Mā Tēv: chahöh cha nö ṙòkhöre yip tö ööire nö in e.
3Ineū-euṅ an ngam la-en ò, minā-aṅ inrē nöng örheūheu.
4Vīten nup pinngangkūö An la-en nö töt vāchi: pò ngam Mā Tēv nö tö aheuk, tööḵlö inrē tö miṙēlōn.
5Kētö nya-aṅkūö cha An yip tö pa-ekūö tö Ò: örheūheu an min nö köpölōn tö ngam kinlēḵngô re.
6Hameukhömat yip tarik re An tö minhôiṅyö i nup la-en Ò: i kinëtö vē pumnāmö tarik nö amin cha.
7Kanô-en, inkaha inrē, la-en minë kël Ò: ṙòkhöre nup chöngö Ò nö tö köp.
8Haköpiyö nup nö töt chanuhuvṙen: vītu nup nö im kanô-en, chaniplö inrē.
9Tīntö ṙinānyi Anga-aṅ nö in yip tarik re; hachöngten nup kinlēḵngô re Anga-aṅ nö töng örheūheu: töhet, tö milēka ap mine-eny Ò.
10Ranehlö mikah an ngam pinghe-eṅkūö tö ngam Tēv: aṅhaṅv-in yip cha-a tö mikah elmat, yip lamök in e, köp ngam nöinyö Ò nö örheūheu.
Currently Selected:
Salmai 111: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
