Salmai 101
101
Kinlēḵngô Ngam Rācha
1Tiköknyö ngam miṙēlōn chin min, ngam inkaha fālen inrē: tiköknyö nup nöinyö chin min in Meh, Ō Mā Tēv.
2Muhumveūtö inlaha re chin min im tö teung talöökö Meh. Mah, ĕhē Öm min yih in chu? Lök el patī re chin min öich hol tö töteung ellōn re.
3Hö-ö chin min ṙātö nup töng yô-òv nö i kūö Meh; surīkhö la-en cha chin yip kamānngöre: öt köpta an min nö in chu.
4Ṙāngen chu ap min töt lēnö lōn: hö-ö chin akahakūö tö tötlöök tarik.
5Öp mu-ulāikenre nö ve-engnang hol re, halëliyö min tö chu: öt halöngten ò chin öp tum-ööngkūöre, mahakeūṙô re, ellōn inrē.
6Ip tökô-en nun min në mat chu im panam, hòṅ cha nö iyöng nö hol chu: ngòh lamök i tö teung lanöökö, anga-aṅ min mameukṙen chu.
7Ngòh vamī inchīlö öt iyöng el patī chu min: anga-aṅ ngòh tö minyôiny-aṅ öt köp min nö i kūö chu.
8Kaheuk peuheū chin min halëlngö yip tötlöök nö ṙòkhöre ing panam: rökngen cha yip tö la-evṙen tö tötlöök nö ṙòkhöre nö ing el pinnāmen ngam Mā Tēv.
Currently Selected:
Salmai 101: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
