T. MËTIV INLĀHEN NGAM LĪPÖRE
INLĀHEN NGAM LĪPÖRE
Ngam tölöök inhāngpa kahūich Mëtiv nö vamë-nyö ngam tö löök inhānga tö Yēsū nö tö la-en tö inyööken. Anga-aṅ mahateungngö nuk kinlēḵngô öthöng lumnööṙö yik tarik Yahūti an ngih tölöök inhānga, yik umuh tök ṙētak Yēsū nö kayôḵnyu tön chö-öiny ten tö taṙòkhöre tarik aṅ kūö ngih panam.
Vāyö inlāhatī ön Mëtiv nö halēn minë la-en re. Rĕhtôre nö löktökūö im kinyôḵnyö Yēsū, kūichngö inlaha ngam vinôktökui ò töm kinlāha ò inrē, ngaich hēk nö in minë la-en ò minkahaten inköphöti, töm inlinken tö vāhavö nö i kelelī. Unôichrit e ngam tö löök inhānga nö kūichngö inlaha nuk chahū-hu Yēsū nö löktö kūö kelelī söl Yeruselem tö nuk la-en tö kēḵ kaṙen tö Yēsū ik manā-aṅ afta, söl ik inrātö tök anahlö ò inrē.
Hameukten Yēsū an ngam Tölöök Inhānga nö tö kiröng nö mahaköphöti, tö īnuvö tö kanò-òṅre nö vënyö manah minë chöngö ngam Tēv, anga-aṅ mahaköp tö inlaha ngam pūlngö ngam Tēv inrē. Pōyen nup haköptö ò tö hamūlka asā tumkangen minë la-en: (1). Minkahaten i kui rôngö, i alaha ngam tinrīken nup la-en, taneungten, ngaich ngam kamngö ngòh tarik nö im pūlngö ngam halīöngö (5-7 mirūlö); (2). Inchōḵten yik tö nëtsīön tak tanīnöṙô nö in nup la-en cha (10 mirūlö); (3). Minë inchōḵoṙô i alaha ngam pūlngö ngam halīöngö (13 mirūlö) (4). Inköphöti i manah ngam tinömörit Yēsū (18 mirūlö); ngam (5). Inköphöti i alaha ngam manāngen nëṅ ing tö ngamuh ngaich töp yanīhi ngam pūlngö ngam halīöngö (24-25 mirūlö).
Nëṅ i mat e:
Lökngörit töm kinyônyö Yēsū Kristū. 1.1—2.23
La-en Yôhān ök Vamôk 3.1-12
Vinôktökui töm kinlāha Yēsū 3.13-411
Töngāṅlnyi la-en Yēsū nö i kelelī 4.12—18.35
Ṙā-ang kelelī nö chuh Yeruselem 19.1-20:34
Manā-aṅ Afta nö i, hēk ranghö Yeruselem 21.7—27.66
Ngam anahlö ngaich ngam Mineūkö ngam Mā 28.1-20
Currently Selected:
T. MËTIV INLĀHEN NGAM LĪPÖRE: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.