MALAKI 4
4
Yih An Ngam Sakāmö Ngam Mā Tēv.
1Yĕh meuk, tö ngam sakāmö nö yih, hūkūö an sā hanūkūö tökiröng tameūyö; ngaich ṙòkhöre yip mahakeūlenre, ṙòkhöre inrē töla-evṙen tö tötlöök, min nö sā kaṙālö afō: ngaich ngam sakāmö ngam yamih min nö föngngen cha, ṙô ngam Mā Tēv yip tömaṙôngö, ngaich öt ṙahātu angū-ö min nö in cha öt rēhĕn ṙĕh öt rēhĕn pak. 2In yīö pöri yī-ö töpa-ekūö tö minë-eny chu min ngam tavūöi lanöökö nö meutlö nö kumtö inlööklö invah nö i rōi kël ò; ngaich kiröönngöre yī-ö min kumööyöre inrē sā kunnuā nö el chūök re. 3Ngaich yī-ö min rööntö kui ngam tötlöök; pò cha min nö tisum nö ël kintāl elröön yīö ip sakāmö hī tī chu, ṙô ngam Mā Tēv yip tömaṙôngö.
4Köpölōn yin tö ngam chöngö Môsös ök tarik chu, ngam hachöngten in chu in ò i Hôrep nö lamöö in Israĕl nö ṙòkhöre, minë chöngö inkaha falen inrē.
5Yĕh meuk, tīnten Ēlīyā chin in yīö ngam pròfĕt urēhĕkūö ngam tökiröng pinhë-eṅkūö sakāmö ngam Mā Tēv nö yih. 6Ngaich anga-aṅ min nö havöötö ellōn yip yöng nö in yip nyīö, ellōn yip nyīö inrē nö in yip yöng; hòṅ chu min öt yih öich hachök ngih tumlat aṅtī tö rinôichngen.
Currently Selected:
MALAKI 4: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.