Isayā INLĀHEN NGAM LĪPÖRE
INLĀHEN NGAM LĪPÖRE
I minë-eny ök tökiröng pròfĕt an ngam Līpöre Īsayā ök mi-iyöng Yeruselem unôichrit ranòngti alaha ök tö 8 Cent. B.C. Lūöitit ön ngih Līpöre nö mi chööḵ-öyö nö kò-òren:
1. Löktö kūö im tö 1-39 mirūlö, hē Yūtā nö löken tö ngam panam tökalēḵ ranghö e ang Asirīa, nö im lā lòhngö pūlngö. Ngaich meuk ngam linökṙen ngam panam Yūtā ang Īsayā nö rö-övö nö kūö kumlēḵ Asirīa tön kūö öt lanöökö ngam panam pòn öt i hināngö chöngö ngam Tēv, öt hayönlen re inrē nö in ò. I kumlēḵ ṙô re, tö nuk la-en re ök pròfĕt nö Vëtö kūö yik tö marôngö tö yik mā kūö cha inrē nö lök el talöökö lanöökö töm kanò-en inrē, ngaich halēnö cha yĕn öt teung nö i hināngö ṙô ngam Tēv, ngaich ötkòlò min acha-a. Ahangtö nang cha inrē ang Īsayā töp yamih min kumchikṙen nö keuheūtngöre chūök nö ing panam tö öp yamih min inrē tökò-en ṙācha nö lamöknyö in Tāvit.
2. Löktökūö im 40-55 mirūlö angū-ö nö ṙētak Yūtā nö ha-ötiyö nö i Pēpilön, hakihtuṙen hĕnghöre öt maheūṅkkuvö tö mu-unôich. Ngaich ahānga ök Pròfĕt tö ngam Tēv min nö ṙānyen yip tarik re ngaich kēten cha nö ip panam cha i Yeruselem, hòṅ cha nö tumfömlö inlāhare nö in e. Ngam tökiröng chööḵnyö në mirūlö nö mahameukten ngam Tēv nö Anga-aṅ Mā ngam Histōri, ngaich minë el kuilōn ò tö vē tarik ò nö nôlhöt nup la-en cha nö i në pumnāmö tarik nö ṙòkhöre, Vē tö inkòluṙô min nö lökten im mikūönö Israĕl. Ngam ṙô im Hötṙeh kinlēḵngô tö ngòh “Tarik ngam Mā Tēv” nö tö kakka nö in në mirūlö.
3. Löktökūö im tö 56-66 nö inlēnö yik tömaṙôngö tarik yik mahavantöre nö i Yeruselem, yik mameūṅkken re nö hòṅ vëhötvö ellōn tö ngam Tēv min nö hateung ngö nuk kinlēḵngô re nö i pumnāmö vē tarik. Hòṅ ngih pöri inlaha cha, pò cha nö hòṅ kò-en löök inrē, hòṅ kēken ngam töhet Sakāmö hòṅ föng tökētu, tö ngam vinë-ekūötēv inrē. Im tö 61.1-2 nun minë ṙô Yēsū ik ranulten ò nö la-evṙen nö vë-eny löktö invëköre.
Nëṅ i mat e:
Vinë-eny nang tö nuk Kinlēkngô 1.1—12.6
Chinökṙen minë pumnāmö tarik 13.1—23.18
Ngam Tēv an kamhòkken ngih panam 24.1—27.13
Tö ōtngöre vinë-eny nang tö nup Kinlēḵngô 28.1—35.10
Rācha Yūtā ang Hesikīa Ngaich yik aṅ Asirīa 36.1—39.8
Ṙô Kinlēḵngô, mineūka inrē 40.1—55.13
Minkahlölōn tö nuk Kinlēḵngô inrē 56.1—66.24
Currently Selected:
Isayā INLĀHEN NGAM LĪPÖRE: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.