Isayā 64
64
1Mah, tikachnyö kūö minë halīöngö man öre öm yônti, hòṅ në rôngö nö kayīna nö i kūö meh;
2Sā anöktö kūö ap tameūyö nö elyul chōn sā tameūyö inrē nö pököti tö mak, öm vīten ngam minë-eny meh nö akahaiṙen tö yip tökunyaha elmat tö meh, hòṅ vē pumnāmö tarik nö kichëyöre nö i kūö meh!
3Yē meh tī tö pinhë-eṅkūö nup töt akahten ih, yônti me-eṅ ngaich, kayīna ngaich minë rôngö nö i kūö meh.
4Löktökūö misī nö öt hĕng tak hamang hēk öt akaha elnang, öt hĕng tak mameuk Tēv öp hol meh, öp töla-evṙen tö pòkūö cha yip hamökken ò.
5Höngkūö ò me-eṅ öp tö ṙāmölōn nö la-evṙen tö lanöökö, acha-a yip tö köpölōn tö meh i nup talöökö meh, Yĕh meuk, līn man, köölö fālen īhö: marô-òten in ngaich i në tökööl re, hayöökaṙen öi min?
6Ṙòkhöre in ngaich vītöre sā öp töthet, ṙòkhöre nup tölöök la-en ih nö sā tömūmu mat hilā. Nyīkngö in sā rōichōn; kē-ĕyö in tö nup tökööl re, sā kuföt.
7Öt hĕng tak mahavëkö minë-eny meh öp mahachohköre nö ṙapngö tī re nö in meh; pò meh hanyatngökūöre tö ih, ngaich kēngen ih eltī nup öt lanöökö ih.
8Töngamuh pöri me-eṅ ngaich Yöng ih, Ō Mā Tēv; tilin in īhö vamī tanīöyö me-eṅ; ṙòkhöre in īhö vahī minë kuntī meh.
9Ō Mā Tēv uh man kalē-ĕ lanīnö, um köpölōn inrē örheūheu tö kanöölö ih; yĕh meuk, ngëicha, tarik meh in īhö ṙòkhöre.
10El inchōn nun minë töhet elpanam meh nö ngaich, vītöre an Sīyôn nö el inchōn, öt aṅhavkūö Yērusalem.
11Haṙāpi tö tameūyö nup töhet tövai patī ih, i chūök yik muvöhngö ih nö ha-öinyö meh; ṙòkhöre nuk tölöök chehen ih nö piyāyi.
12Ō Mā Tēv ṙāpöre ömeh in u? Öt hòṅ ṙô-òvö ömeh, hakihten ih inrē öm kalē-ĕtī?
Currently Selected:
Isayā 64: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
