Isayā 47
47
Inkāha Fālen Pēpilòn
1Tā-a yôkti, ūichngöre el tumlat, Ō rēlö kikānö Pĕpīlön; ūichngöre el tumlat öm öt kantēravö, Ō kikānö kūön aṅ Kāltī: tön rö-ö man ngöhören invëka tö-ayālö alaha.
2Kē ngam ihong kinṙīöt, ngaich kiṙīöt atra, kēngö ngam kinṙul kūö re, luhngö ngam tökiröng inyut meh, haṙīöngnyö ngam kalröön, lök el minë tahël kiröönngöre.
3Hameuknyu ap min linchôyö meh, hôṅ, meūkö ap min sinrōngkūö meh: Kē invahal vah chin min, hö-ö chin min aṙēlu tö tarik.
4Ṙamānyen ih, Mā Tēv yip tömaṙôngö an ngam minë-eny ò, ngam töhĕng töhet in Israĕl.
5Ūichngöre un takākaṙô kuhēthötre inrē el sinngūlö, Ō me-eṅ kikānö kūön aṅ Kāltī: tön rö-ö man ngöhören invëka öm mā kikānö i nup pūlngö.
6Līn chin in yip tarik re, ngaich öich hachōichngö amin re, öich kēten cha nö eltī meh: ngaich öt hameukhömat cha me-eṅ tö miṙēlōn; hakeunlö yip tököiny man töp kaneun meh tölangan.
7Ngaich ngö ṙô me-eṅ, tötchanūhuvṙen chin mā kikānö: Lökten meh öt ṙātö në nö ellōn meh, öt rehĕn öm afēkö öp unôich manāngen e.
8Lökten hangihtöre tö ngih me-eṅ kumchikngenre i kumchiklōn, mi-iyöng ël töt vīnëku öm tö ngö ṙô ellōnre, Chū-ö chin, öt hōlu chin tö inrē; hö-ö chin sā anūchö tafīösi kikānö öt rēhĕn min öich akahakūö tö kinpahlöre tö kūön re;
9Teunghö kui meh nun min në tönët nöng vuphë i töhĕng sakāmö, kinpahlö tö kūön re tinfiösngö inrē: yih nup min nö i kui meh nö tööḵlö nö el nyanūmöre, pòrô yip töpōyen in meh tömilūönö, nup töpōyen inrē in meh inchūṙö.
10Pò meh hayönglenre i öt lanöököre: öm ngö ṙô, Öt hĕng tak mameuk chin; halō-oikūö man ngaich tö ngam mikah re ngam huneū-eu elmat meh inrē: ngö ṙô me-eṅ inrē ellōn re, Chū-ö, hö-ö chin hōluvö.
11Lökten öp tötlöök min nö teunghökui meh; öt akahatenre man min tö öp yanīhih e fuk kui man min tö öt inkôlò; ötkô min me-eṅ lakngö e: ngaich min nöng vuphë yanīhih öp tinṙōlngö meh öp öt mikahlōn meh.
12Söklöre man öm hachū holtö yip tömaṙôngö tömilūönö ip la-en meh öm löktökūö nyinī-öṅre: yē meh min kô teunglen, lohten min inrē öm vīlö pinhë-eṅkūö.
13Cheingö man ngaich tö nup töpōyen inlēnö, hökngen u ngaich nö sökhak, nö hayööken meh nö ṙā-ang i nup, tameunghö kui meh, acha-a yip maharēv minë halīöngö, yip tötēltamat nö i minë taneūsömat, yip mu-urĕhnyô nö vë-eny öp tameunghökui meh ip tufömngöre chingëṅt.
14Yĕh meuk, höng sā kaṙālö afō yip; ṙāpngö yip min tökūö tameūyö; hö-ö yip min nö ṙānyöre nö ṙā-ang i kumlēḵ kūö ngam tameūyö: hö-ö ap min nö ta-ök tameūyö nö meūi cha, öt rēhĕn nö tameūyö chūök hī kô ūichhakaṙen.
15Ngatī nup min nö in meh ip chūök meh öm la-evṙen, cha-a yip mi-inyihkö chehen nö hol meh löktökūö nyinī-öṅ meh min nöng kö alēṙa nö ip chūökre; öt hĕng tak min umuh mahayööken meh.
Currently Selected:
Isayā 47: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
