Isayā 39
39
Ma-ahānga Ṙamā-ang Pēpilön
(2 Rāch 20.12-19)
1Hē e ang Merotakpalātön ök kikōnyö kūön Palātön, rācha aṅ Pĕpilön, nö söömtö nuk līpöre töchūichö, raneushö inrē nö in Hēsikia: pòn hāngan anga-aṅ nö vahavö, ngaich lööken nö hēk. 2Ṙāmölōn ngaich Hēsikia tö cha, hameukhömat cha ngaich anga-aṅ tök patī chūök chehen, rupīö, humlum, tötahūsa töpōiṙāi tavī-i, keuheūtlöre nuk el patī lanaklö ò nö kiyung, ṙòkhöre inrē nuk töng kôti nö el ök chūök chehen ò: öt hĕng hang nuk el patī ò, öt rēhĕn nuk im pūlngö ò, töt hameuktu tö Hēsikiā nö in cha. 3Yih ngaich ök pròfĕt Isayā nö ik rācha Hēsikiā, ngaich ngö ṙô tö ò, Asuh öp ṙô vē tarik? Ṙeū-eung yih aich inrē nö yih nö in meh? Ngö ṙô ngaich ang Hēsikiā, Yih yin nö in chu ṙā-ang tömaṙôvat panam, ṙā-ang Pĕpilön. 4Ngö ṙô anga-aṅ, Ngaich suh ap taheui maheuk cha nö el patī meh? Ngaich ngö ṙô Hēsikiā nö sapṙô ò, Ṙòkhöre maheuk yin tö nuk aṅ el patī chu: Öt hĕng hang i nup chehen chu töt hameuktu tö chu nö in cha.
5Ngö ṙô ngaich ang Isayā tö Hēsikiā, Hang ngam ṙô ngam Mā Tēv yip tömaṙôngö. 6Yĕh meuk, yih nup sakāmö, hē nup el ngam patī meh nö ṙòkhöre, tö nup hamūllö yik yöng meh inrē nö söl ing töngamuh tī, nö kē-ĕyö min nö i Pĕpilön: öt hĕng tit min töṙātu, tö ṙô ngam Mā Tēv. 7In yip kūön meh kikōnyö inrē yip lamöknyö in meh, yip hakūön tö meh, nö kē-ĕyö min tö cha; ngaich acha-a min nö kumkantöre nö el patī öp rācha aṅ Pĕpilön. 8Ngö ṙô ngaich Hēsikiā tö Isayā, Tölöök an ngam ṙô ngam Mā Tēv ngam ṙahônyö meh. Pòn ngö lōn anga-aṅ, Lanāmu min innyatluvö inrē i në sakāmö cha.
Currently Selected:
Isayā 39: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
