Isayā 20
20
Minkahgö Ök Linchôyö Tö Ök Prôfět
1Ik samyeūheu hē Tārtan nö yih nö i Astòt, hē Sarkòn ök rācha aṅ Asiriā nö tīnten ò, ngaich anga-aṅ nö kiyung nö lā-al Astòt ngaich kē-ĕ e; 2Hē e ngam Mā Tēv nö lökten in Isayā ök kikōnyö kūön Amôs nö ṙô-òv, nö ngö ṙô, Kuṙòh, luhngö ngam sāk man hilā i ṙat meh, hōknyö ngam kunröpö meh inrē nö ṙā-ang i röön meh. Ngaich ngatī anga-aṅ, kiröönngöre nöng chumlal öt kunröpu inrē. 3Ngaich ngö ṙô ngam Mā Tēv, Sā ngam tarik chu Isayā nö lūöi samyeūheu nö chumlal nö kiröönngöre öt kunröpu inrē nö mikahngö pinngangkūö inrē nö i kui Aikup i kui Itī-ōpia inrē; 4Ngatī min öp rācha aṅ Asīriā nö hachōḵngö yip tökē-ĕ aṅ Aikup, yip tö-ahöti inrē aṅ Itī-ōpia, tö-ayal tököiny inrē, chumlal öt kunröpu inrē, chumlālö ṙòngrit inrē nö minṙēngö Aikup. 5Ngaich cha-a min nöng ngangngö kūö sirōngkūö inrē, tökūö ngam tömeūkka tö cha aṅ Itī-ōpiā ngam kanôlò cha inrē i Aikup. 6Ngaich ngö ṙô min yip aṅkūö ngih i kūö mai panam ip sakāmö angū-ö, Yĕh meuk, angū-ö an yih tömeūkka tö ih, ip chūök ih falkö hinòlṙenre öi hòṅ ṙānyuvö ṙā-ang ip rācha aṅ Asīriā: Ngaich īhö, Sitih lökngö öivö min öt kô-òng vah?
Currently Selected:
Isayā 20: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
