1 KINṘÖTNGÖ 6
6
Mitöökö Mikūönö Yik Mākūö Kūönṙô
1Kikōnyö kūön Lēvī: Kersōm, Kōhat, Merārī inrē. 2Kikōnyö kūön Kōhat: Amrām, Ishār, Hepròn, Yūsīel inrē. 3Kūön Amrām, Āròn, Môsös, Mirīöm. Kikōnyö kūön Āròn: Nātap Apihū, Ēlīāsör, Itamār inrē. 4Eliāsör ök kikōnyö yöng Finëhas, yöng Apisūā ang Fihëhas, 5Yöng Puki ang Apisuā, yöng Yūsī ang Puki, 6Yöng Sērayòt ang Sērahiyā, 7Yöng Amariyā ang Merayòt, yöng Ahītöp ang Amarīā, 8Yöng Sētòk ang Ahītöp, yöng Ahīmēsa ang Sētòk, 9Yöng Asariā ang Ahīmĕas, yöng Yôhanan ang Asariā, 10Yöng Asariā ang Yôhanan inrē. (Anga-aṅ ök töla-evṙen nö kūönṙô nö el ök patī mahānlö Sòlòmön i Yērusalem.). 11Asariā ök kikōnyö yöng Amariā, yöng Ahītöp ang Amariā, 12Yöng Sētòk ang Ahītöp, yöng Sālum ang Sētòk. 13Yöng Hilkiyā ang Sālum, yöng Asariā ang Hilkiyā, 14Yöng Sērayā ang Asariā, yöng Yēhösatak ang Serayā; 15Yēhōsatak ök inrē chamuh el inhötngö hē ngam Mā Tēv nö tīnngen Yūtā, Yērusalem inrē nö el inhötngö lökngö el tī Nepūkatnesör.
Yik Mikūönö Lēvī
16Kikōnyö kūön Lēvi: Kersōm, Kōhat, Merārī inrē. 17Në nun minë-eny yik kikōnyö kūön Kersōm: Lipni, Sīmēi inrē. 18Kikōnyö kūön Kōhat; Amrām, Ishār, Hepròn, Yūsiel inrē. 19Kikōnyö kūön Merārī: Mahlī, Musī inrē. Vē yin mupīhö yik Lēvī nö asā yik yöng cha kikōnyö, 20Löknyö in Kersōm: Līpnī tök kikōnyö kūön ò, Yēhat tök kikōnyö kūön ò, Simmah tök kikōnyö kūön ò, 21Yôhah tök kikōnyö kūön ò, Ittō tök kikōnyö kūön ò, Sērah tök kikōnyö kūön ò, Yēataraj tök kikōnyö kūön ò. 22Kikōnyö kūön Kōhat: Aminātap kikōnyö kūön ò, Kōr kikōnyö kūön ò, Assīr kikōnyö kūön ò, 23Elkāna kikōnyö kūön ò, Epīasaf kikōnyö kūön ò, Assir kikōnyö kūön ò, 24Tēhat kikōnyö kūön ò, Yuriel kikōnyö kūön ò, Yusiyā kikōnyö kūön ò, Sāul inrē kikōnyö kūön ò. 25Kikōnyö kūön Elkāna: Amasai, Ahimōt inrē, 26Elkāna mitöökö kūön Elkāna kikōnyö kūön ò, Sōfai kikōnyö kūön ò, Nēhat kikōnyö kūön ò, 27Ēlīāp kikōnyö kūön ò, Yērōhām kikōnnyö kūön ò, Yerōham kikōnyö kūön ò, Elkāna kikōnyö kūön ò. 28Kikōnyö kūön Samuĕl: Yôel lanòh ò, innëtö Apīyā. 29Kikōnyö kūön Merārī: Mahlī Līpnī kikōnyö kūön ò, Simeā kikōnyö kūön ò, Yūsa kikōnyö kūön ò, 30Simëā kikōnyö kūön ò, Hakīyā kikōnyö kūön ò, Asayā, inrē kikōnyö kūön ò.
Yōm Tinkökö Vine-ekūötēv
31Cha-a yin vē tarik ṙahātö Tāvit nö yōm tinkökö vinë-ekūötēv nö el ök patī ngam Mā Tēv, unôichrit ṙināhöt ök kasòng chöngö nö umuh. 32Meukṙen cha-a nö tinkökuvö nö i kūö ök inrūkui, ök rūkui manūlö, hanööngen Sòlòmön nö mānlö patī ngam Mā Tēv nö i Yērusalem; ngaich cha-a nö im vinë-enkūötēv nö kö ip hē re. 33Vē yin tarik töla-evṙen yip kikōnyö kūön Kōhat: Hēman ök tumkökṙôre kikōnyö kūön Yôĕl, kikōnyö kūön Samuĕl, 34Kikōnyö kūön Elkāna, kikōnyö kūön Yerōham kikōnyö kūön Ēlīĕl, kikōnyö kūön Tō-a, 35Kikōnyö kūön Suf, kikōnyö kūön Elkāna, kikōnyö kūön Mēhat, kikōnyö kūön Amāsai, 36Kikōnyö kūön Elkāna kikōnyö kūön Yôĕl, kikōnyö kūön Asīriā, kikōnyö kūön Sefaniā, 37Kikōnyö kūön Tēhat, kikōnyö kūön Assīr, kikōnyö kūön Ēpīāsaf, kikōnyö kūön Kōra, 38Kikōnyö kūön Ishār, kikōnyö kūön Kōhat, kikōnyö kūön Lēvī, kikōnyö kūön Israĕl; 39Ök holmaneuk ò inrē Asaf, ök samökhaka nö lā hāmö ò, Asaf ök kikōnyö kūön Perakayā, kikōnyö kūön Simeā, 40Kikōnyö kūön Maiköl, kikōnyö kūön Peasiyā, kikōnyö kūön Malkiyā, 41Kikōnyö kūön Etni, kikōnyö kūön Sērah, kikōnyö kūön Atayā, 42Kikōnyö kūön Etan, kikōnyö kūön Simmah, kikōnyö kūön Semēi, 43Kikōnyö kūön Yēhat, kikōnyö kūön Kersōm, kikōnyö kūön Lēvī. 44Lātavē ò yik holmaneuk cha yik kikōnyö kūön Merārī: Etan kikōnyö kūön Kisī, kikōnyö kūön Aptī, kikōnyö kūön Mallök, 45Kikōnyö kūön Hasapiyā, kikōnyö kūön Amasiyā, kikōnyö kūön Hilkayā, 46Kikōnyö kūön Amsi, kikōnyö kūön Pēnī, kikōnyö kūön Sīmer, 47Kikōnyö kūön Mahlī, kikōnyö kūön Musī, kikōnyö kūön Merāri, kikōnyö kūön Lēvī; 48Yik holmaneuk cha inrē Lēvī tövīlöngö nö i nup la-en ök inrūkuipatī ngam Tēv.
Mikūönö Āròn
49Aròn pöri tö yik kikōnyö kūön ò inrē kētö tökētu nö el tahāklö töföngö tökētu el tahāklö tötahūsa inrē i nup la-en ngam tölngö töhet chūökö, vī inlām tökööl Israĕl inrē, sā nup hachöngten Môsös ök tarik ngam Tev. 50Vē yin kikōnyö kūön Āròn: Elīēsör kikōnyö kūö ò, Finehes kikōnyö kūön ò, Apīsuā kikōnyö kūön ò, 51Pūkki kikōnyö kūön ò, Yusī kikōnyö kūön ò, Sērahiyā kikōnyö kūön ò, 52Merayòt kikōnyö kūön ò, Amarīyā kikōnyö kūön ò, Ahītöp kikōnyö kūön ò; 53Sētòk kikōnyö kūön ò, Ahīmēas kikōnyö kūön ò.
Chūök Yik Lēvī Nö Iyöng
54Në nun chūök cha nö iyöng sā elyöngö cha nö lā ël minë kūöngö cha: in yip kikōnyö kūön Āròn aṅ mupīhö yip Kōhat, pò e nö minchööḵö cha, 55In cha ngaich nö kētu Hepròn ip panam Yūtā nup chūök kiyôp panam inrē mahavīlö e, 56Nup töngāṅ pöri im elpanam tö nup tuhēt e inrē kētu nö in Kalĕp ök kikōnyö kūön Yĕfuneh. 57In yik kikōnyö kūön Āròn kētu nuk elpanam chūök innyatlö nö in cha: Hepròn, Lipna holtö panam kiyôp in Yattir, Estēmōā hol tö nuk panam kiyôp in e, 58Hīlen hol tö nup panam kiyôp in e, Tēpir hol tö nuk panam kiyôp in e, 59Asān hol tö nuk panam kiyôp in e, Pĕtsimes inrē hol tö nuk panam kiyôp in e; 60Aṅ i miyöngö Penyamin, Kīpā holtö nuk panam kiyôp in e, Anatòt holtö nuk panam kiyôp in e. Lūöi sīön nun minë elpanam cha keuheūtngöre nö i mupīhö cha.
61In yip chööḵṙen yip Kōhat nö kētu, nö i kintölö mupīhö, miyöngö, aṅ in öp töròngtī miyöngö yip töròngtī aṅ in Manasē, söm elpanam. 62In yip Kersōm sā mupīhö cha minchööḵö lūö sīön elpanam aṅ miyöngö Isakār, Asēr, Naftalī, Manasē inrē i Pasān. 63In yip Merārī sā mupīhö cha minchööḵö nëtsīön elpanam aṅ i nuk miyöngö Rūpön, Kāt, Sepulön inrē. 64Ngatī tī yik tarik Israĕl nö kētö elpanam yik Lēvī nö holre tö panam kiyôp cha. 65Kē-ĕvkūö cha-a inrē tö cha nö michööḵö tö aṅ i miyöngö Yūtā, Simōn, Penyamin inrē minë-eny tö mine-eny cha nun minë elpanam.
66Rēvre inrē yik mupīhö yik kikōnyö kūön Kōhat nö elpanam nö i panam cha aṅ i miyöngö Ifrēm. 67Kē-ĕvkūö cha-a tö elpanam chūök innyatlö; Sīkem holtö öp panam kiyôp e i kui rung panam Ifrēm, Kīser holtö panam kiyôp in e, 68Yòkmeam hol tö panam kiyôp in e, Pĕthōròn hol tö panam kiyôp in e, Kātrimòn hol tö panam kiyôp in e, 69Ayālòn hol tö panam kiyôp in e, Kātrimòn hol tö panam kiyôp in e, 70Aṅ ip töròngtī miyöngö Manasē, Aner holtö panam kiyôp in e, Pailēam inrē holtö panam kiyôp in e, lamöö in yip mupīhö yip Kōhat.
71In yip Kersōm nö kētu aṅ ip töròngtī miyöngö Manāsē: Kōlān i Pāsan holtö panam kiyôp in e Astaròt inrē holtö panam kiyôp in e; 72Aṅ i miyöngö Isakār inrē: Kitĕs holtö panam kiyôp in e, Tapērat holtö panam kiyôp in e, 73Ramòt holtö panam kiyôp in e, Anem inrē holtö panam kiyôp in e; 74Aṅ i miyöngö Asēr: Masāl holtö panam kiyôp in e, Aptòn holtö panam kiyôp in e, 75Hukòk holtö panam kiyôp in e, Rīhòp inrē hotö panam kiyôp in e; 76Aṅ i miyöngö Naftalī inrē: Kītĕs i Kelelī holtö panam kiyôp in e, Hamòn holtö panam kiyôp in e, Kirīatēm inrē holtö panam kiyôp in e.
77In yip tö-ōtren aṅ in Merāri nö michööḵtu aṅ i miyöngö Sepulön: Rimmònō holtö panam kiyôp in e. Tapōr holtö panam kiyôp in e, 78Lamuh inrē tö Yôtön i Yerikō lā chuhöt tö kui Yôtön, aṅ i miyöngö Rūpön: Pēser ip töṙā-akūö hol re tö panam kiyôp in e, Yēhsah hol re tö panam kiyôp in e, 79Ketēmòt hol re tö panam kiyôp in e, Mëfēat inrē hol re tö panam kiyôp in e: 80Aṅ i miyöngö Kāt inrē: Ramòt i Kilīöt holre tö panam kiyôp i e, Mahanēm holre tö panam kiyôp in e, 81Hespòn hol re tö panam kiyôp in e, Yēsar inrē hol re tö panam kiyôp in e.
Currently Selected:
1 KINṘÖTNGÖ 6: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
