1 KINṘÖTNGÖ 5
5
Mikūönö Rūpön
1Kikōnyö kūön Rūpön ök lanòh Israĕl (Pòn anga-aṅ lanòh; kūö ò pöri nö hachōichngö el chamam ök yöng re kikōnyö, ngaich ök minā-aṅ ök minṙöinylö ò nö kē-ĕyö nö in yik kikōnyö kūön Yôsĕf ök kikōnyö kūön Israĕl, lökten ò nö öt kaheuktu nö i lökngörit re nö sā finötnyö ò; 2Pòrô Yūtā nö tökalēḵ nö in yik holmaneukre nö kūön rācha nö lökngö in ò, ngaich pöri ök manā-aṅ nö finötnyö ò nö in Yôsĕf,) 3Kikōnyö kūön Rūpön ök lanòh Israĕl: Hēnòk, Pallū, Hesròn, Kārmi inrē. 4Kikōnyö kūön Yôĕl: Semayā, kikōnyö kūön ò, Kòk kikōnyö kūön ò, Simēī kikōnyö kūön ò, 5Maika kikōnyö kūön ò, Reayā kikōnyö kūön ò, Pēal kikōnyö kūön ò, 6Pēerāh kikōnyö kūön ò ök tökē-ĕyö tö Tilkātpilnesar ök rācha aṅ Sīria nö ahötiyö; anga-aṅ ök yöngkūö yik aṅ in Rūpön. 7Mak-alaha ò inrē nö löktökūö i mupīhö cha, hē kinṙeuklö löklörit ök tumkölchap cha: yöngkūö, Yēiĕl, Sakariā inrē, 8Pēlā inrē ök kikōnyö kūön Asas, kikōnyö kūön Sema kikōnyö kūön Yôĕl, ök mī-iyöng Arōer i tölngö Nēpō, Pēalmëòn inrē. 9Iyöng lā chuhöt inrē anga-aṅ ip tölngö ök kūö taköp ök tönyalnyi lā hih tö kaha Yūfratīs, pò nuk nuā cha nö ṙūölöre ṙôken nö ip panam Kīlīöt. 10Hē nuk sakāmö Sôl kiyung cha-a ngaich nö lā-al yik aṅ Hakar, yik famuk eltī cha; ngaich cha-a nö iyöng el rūkui cha nö keuheūtngöre chūök lā chuhöt Kilīöt.
Mikūönö Kāt
11Kikōnyö kūön Kāt kamlö nö iyöng nö in cha ip panam Pāsan tölngö Salëkah. 12Yôĕl yöngkūö, Sāfam innëtö, Yānai, Sāfat inrē i Pāsan. 13Mak alaha cha inrē nö tösā mitī-i patī yik yöng cha: Maiköl, Mēsūlam, Sīpā, Yôrai, Yākan, Siā, Ēpör inrē, sat tak. 14Vē yin kikōnyö kūön Apīhēl ök kikōnyö kūön Yarōa, kikōnyö kūön Killīöt, kikōnyö kūön Maiköl, kikōnyö kūön Yesisāi, kikōnyö kūön Yātō, kikōnyö kūön Pös, 15Ahī kikōnyö kūön Aptīĕl, kikōnyö kūön Kūni, nö yöngkūö në el patī yik yöng cha; 16Iyöng Kilīöt cha-a inrē, i Pāsan i nup elpanam u inrē, i nup chūök kiyôp panam inrē i Saròn ip tölngö kūö e. 17Ṙòkhöre yin cha-a vē nö kaheukhötvö lökngörit hē nup sakāmö Yôtam ök rācha aṅ Yūtā, hē nuk sakāmö Yērōpoām inrē ök rācha Israĕl.
Kumyung Aṅ Lā Chuhöt
18Vē Rūpön, Kāt, ròngti miyöngö Manasē töt pa-ekūö nö tarik, yik ṙamapkö lanaklö sanët inrē lumreny inrē töhuveū nö i kinyūngö, fën anāi fën köṅny sātòng tafūöl anāi, hamöng kinyūngö. 19Kiyung yik aṅ Hakār cha-a, Yētur, Nafis, Nōtap inrē; 20Ngaich hē cha nö kē hol re nö lā-al cha, ngaich yik aṅ Hakār ṙòkhöre yik hol cha inrē nö kētu nö eltī cha, pò cha nö havëkö ngam Tēv nö im kinyūngö, ngaich anga-aṅ nö kē tö ök havëkö cha pò cha nö hayönglenre nö in ò. 21Ngaich cha-a nö kē nup tö-aṅ chehen cha: taneui anāi köṅny ūṅt, nëtòng taneui anāi köṅny sīṅp, nët köṅny köttö, hēngòng köṅny tö-aṅ tarik. 22Pòn pōyen yik töfëliyö, pò ngam kinyūngö nö kinyūngö ngam Tēv. Ngaich cha-a nö iyöng i chūök cha hanöng saha ök inhötngö cha.
Tarik Lā Chuhöt Manasē
23Iyöng im töròngtī miyöngö Manasē; pōyen cha-a nö ṙeū-eung Pāsan nö chuh Pēalharmòn, Sēnir Rôngö Harmòn inrē. 24Vē yin yöng kūö patī yik yöng cha: Ēfer, Isī, Ēliĕl, Asriĕl, tökalēḵ kumyung tö-eūnyu nö tarik, yöngkūö patī yik yöng cha.
Halāyi Yik Aṅ Lā Chuhöt
25Köölöfālen pöri cha-a nö im Tēv yik yöng cha, nyamkö tö-inyihka kikōnyö inrē nö in yip tēv yik tarik aṅ ngam panam, yik töfëli tö ngam Tēv nö i kūö cha. 26Lökten ngam Tēv Israĕl nö kēhĕt ellōn Pul ök mikahkūö tö Tilkātpilnesar minënyi rācha aṅ Asiriā, ngaich halaingen cha, hēḵ Rūpön, Kāt ròngtī miyöngö Manasē inrē, ngaich kēten cha nö i Hālah, Hēpôr, Hērā, ip tahël Kōsan inrē söl ing töngamuh.
Currently Selected:
1 KINṘÖTNGÖ 5: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
