1 KINṘÖTNGÖ 23
23
1Hē Tāvit nö ngaich nö köiny sööḵngö nö ngaich tö nuk sakāmöre, vīlen Sòlòmön anga-aṅ ngaich ök kikōnyö kūön ò nö rācha i kui Israĕl.
La-en Yik Lēvī
2Hamūl yik yöngṙen ang Tāvit nö ṙòkhöre i Israĕl tö yik kūönṙô yik Lēvī inrē. 3Kaheūkö ngaich yik Lēvī, tö lūöi anāi samyeūheu tö tulöng inrē, ngaich ök ṙôken cha nö lūöi anāi hëvhör köṅny tarik. 4Nët anāi fën köṅny aṅ in cha, mahayōm la-en ngam patī ngam Mā Tēv, ṙô Tāvit, tafūöl köṅny min yip mā yöngṙen kamhôṅka inrē, 5Fën köṅny yōm kūö inkūp, fën köṅny inrē yip maha-öiny ngam Mā Tēv nö aṅtītö nup ranöng vahī chu nö i nöönyö. 6Ngaich ang Tāvit nö halēnö cha nö michöö-ö nö sā yik kikōnyö kūön Lēvī: Kersōm, Kōhat, Mērarī inrē. 7Vē yin kikōnyö kūön Kersōm, Lātan: Yēhi-el yöng kūö, Sētām, Yô-ĕl inrē, lūöi taka. 8Kikōnyö kūön Lātan: Yēhē-el yöng kūö, Sētām, Yô-ĕl inrē lūöi taka. 9Kikōnyö kūön Sīmëī: Sēlōmòt, Hāsī-el, Haran inrē, lūöi taka. Cha-a yin vē yöng kūö patī yik yöng Lātan. 10Kikōnyö inrē kūön Sīmëī: Yahat, Sīnā, Yē-us, Përiyā inrē. Cha-a vē töfën tak kikōnyö kūön Simë-ī. 11Yāhat ök yöng kūö, innëtö inrē Sīsā; Yē-us pöri Përiya inrē nö öt ṙōl tak kūön tö kikōnyö lökten cha nö kaheuktu nöng hĕng nö yöng kūö patī ök yöng cha.
12Kikōnyö kūön Kōhat: Amram, Ishar, Hepròn, Usī-el inrē, fën taka. 13Kikōnyö kūön Amram: Āròn, Môsös inrē. Hakösīṙen ang Āròn nö ma-ahetlö nup tölngö töhet, hòṅ ò tö yip kikōnyö kūön ò inrē nö örheūheu nö föng tötahūsa i kūö ngam Mā Tēv, meukṙen ò inrē ṙônyö inkôlò inrē i minë-eny ò nö örheūheu. 14Vē kikōnyö pöri kūön Môsös ök tarik ngam Tēv nö minënyu nö i miyöngö Lēvī. 15Kikōnyö kūön Môsös: Kersōm, Ēliasar inrē. 16Kikōnyö kūön Kersōm: Sēpu-el ök yöng kūö. 17Kikōnyö kūön Ēliasar: Rīhapiya ök yöng kūö; öt kūönu Ēliasar tötahëng kikōnyö, pōyen kūön pöri Rēhapīya tö kikōnyö. 18Kikōnyö kūön Ishar: Selōmit ök yöng kūö. 19Kikōnyö kūön Hepròn: Yërīya ök yöng kūö Amāriya innëtö, Yēhasi-el linūöyö, Yēkamë-am finënö. 20Kikōnyö kūön Usī-el: Maika yöng kūö innëtö inrē Isīya.
21Kikōnyö kūön Mërārī: Mahlī, Musī inrē. Kikōnyö kūön Mahlī: Ēli-asār, Kis inrē. 22Kapah ang Ēliasar nö öt kūönu tö kikōnyö, höng kikānö pöri; ngaich yip mak alaha cha, yik kikōnyö kūön Kis nö pīhöten tö cha. 23Kikōnyö kūön Musī: Mahli, Ēter, Yeremòt inrē, lūöi taka.
24Vē yin kikōnyö kūön Lēvī nö lökten i patī yik yöng cha, yik yöng kūö patī yik yöng cha nö sā kinṙötngö cha nö sā tūmö minë-eny i töhĕng tak löktö kūö tö nët anāi samyeūheu ṙēti söl tulöng inrē nö töla-evṙen nö im patī ngam Mā Tēv. 25Pòn ngö ṙô Tāvit, Ngam Mā Tēv, ngam Tēv Israĕl, nö ngaich nö kētö lanāmö nö in vē tarik ò; ngaich iyöng Yērusalem min anga-aṅ nö örheūheu. 26Ngatī inrē yik Lēvi nö öt ngöhören nö keun ngam inrūkui hēk inrē nup töng chehen i la-en e. 27Pòn i nuk manā-aṅ ṙô Tāvit nö anū-ö në ṙôken yik Lēvī löktökūö tö nët anāi samyeūheu ṙēti söl tulöng, 28Ngaich pöri öp la-en cha min nöng hamòlṙen yip kikōnyö kūön Āròn nö i la-en ngam patī ngam Mā Tēv, nö mahayōm minë eltīchöölö, töminë urôhò inrē, inhëtö nup taṙòkhöre töhet, i töng la-en ngam patī ngam Tēv inrē: 29Holṙen inrē in nup töhet rôti, i maita tökētu kulöl, nup vēföör inrē aṅ i tötaföhlöng rôti, tö kahūlö tökētu, tökētu tökalūöchö tö tavī-i, ṙòkhöre inrē nup kinlah ṙôken hēk kinlah ṙôkö.
30Kaheuk peuheū cha-a min inrē nö sökhaka, nö ha-öinytö tī ha-öiny ngam Mā Tēv inrē, ngatī inrē tö lā harap, 31Ip töng hē kinëtö töföngö tökētu nö im Mā Tēv hē el töhet sakāmö, ayöö chingëṅt, nyinā-aṅ sakāmö inrē, i tumtak hinôtö cha, nö örheūheu nö i kūö ngam Mā Tēv. 32Ngatī cha-a min nö hayōm ngam rūkui manūlö tö ngam töhet chūök, holṙen yip kūön Āròn min cha-a inrē, yip hol maneuk cha, nö i la-en ngam patī ngam Mā Tēv.
Currently Selected:
1 KINṘÖTNGÖ 23: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
