1 KINṘÖTNGÖ 20
20
Elti Tāvit Rappā
(2 Sam 12.26-31)
1I kūö-arū ngam samyeūheu, hē vē rācha nö kiröönngöre nö hakôtenre nö kiyung, hachōḵnyö yik kumyung ang Yô-ap, ngaich kilöönngö ök panam yik aṅ Amön, havīlen Rappāh ngaich. Höngngöh pöri Tāvit nö, i Yērusalem. Ngaich fëlngö yik aṅ Rappāh ang Yô-ap, tiṙölngö e inrē. 2Kē ök sapīöv ök rācha cha ngaich ang Tāvit nö ṙā-ang i kui ò; kôtökūö anga-aṅ nö hĕng tālen lumngan tö humlum, i kaha e nup töpōiṙāi ihong; sumpīövlöng angū-ö ngaich nö i kui Tāvit. Ngaich anga-aṅ nö kētö nuk kuhūöm cha nö im elpanam tö kirööṅngen ṙôken. 3Kēnyö yik tarik anga-aṅ yik aṅ e, ṙāten cha ngaich nö la-evṙen nö aṅtī tö ṙanat, sanòk, hanīöng inrē; ngatī tī Tāvit tö nuk elpanam yik aṅ Amön nö ṙòkhöre. Havantöre ngaich Tāvit nö i Yērusalem tö yik tarik nö ṙòkhöre.
Lā-al Ök Chāën Aṅ Filistaīn
(2 Sam 21.15-22)
4Unôichrit ngih ök kinyūngö in yik aṅ Filistain i Kēsör; ngaich ang Sippēkai ök aṅ Husat nö fëlngen Sīpāi, ök töhĕng tak aṅ in yik kūön yik tökiröng tarik; tumṙeūtu ngaich yik aṅ Filistain. 5Ngaich hēk ök kinyūngö in yik aṅ Filistain; ang Elhēnan ök kikōnyö kūön Yē-ir nö fëlngen Lākmī ök kahëm Kōliāt ök aṅ Kit, ök töhaṙahav vöi tö tösā mikeūnö kinpāt hilā. 6Ngaich hēk ök umuh kinyūngö in Kāt, ik tarik umuh tömarôlòng, ök tö aṅngöre lā nö tafūöl nòng kuntī, tötafūöl nòng kunröön inrē i töhĕng lā, nët anāi tum nòng; anga-aṅ ök inrē kūön yik tökiröng tarik. 7Ngaich hē ò nö ahūöngen yik aṅ Israĕl, ngaich Sēmia ök kikōnyö kūön Yônatan, kahëm Tāvit, nö fëlngen ò. 8Cha-a yin vē kūön yik tökiröng tarik i Kāt; ngaich cha-a nö fukngö nö lökngö eltī Tāvit ane inrē lökngö eltī yik tarik ò.
Currently Selected:
1 KINṘÖTNGÖ 20: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
