ZEKARIA 4
4
Tson Taiutsün Thaiutha Atsangshei
1Ngü ko chitekü shitsün aünhong nou müjam shikü ngü asaila ainouli lothsümon. 2Apaüh sangh, “Ni ti epji?”
Ngü thalan, “Chaiou lakkeng noulu shankü tson taiutsün tsak epji.” “Nungh chiai khaiutsom thiotsün chio tsak. Tson taiutsün chiai tson chinyat, nungh tson tsak tsak pungkü thaiutha yaptson- chinyat. 3Nungh tson taiutsün dongko Olip-pai nime, etsak ai tsak naiuso etsak ai tsak ta noiküla.” 4Nungaih ngü hong tü sangkü ngiom, “Apaou, nungso ti athat thaiutha noin?”
5Apaüh ngü tü sangh,
“Ni nung tsünge so?”
Ngü thalakü ngiom,
“Apaou, ngü tsünge”#4:5 Ahoi 10b ainou ahoi 14 saokü nungso ahoi 5 naiuso 6 ne jetko thiokü wenai thaji ta ayamhantsün tsangkü thiokü noin.
10bHong nou ngü tü ngiom, “Tson chinyat nouso nung goumchi apemai eptsün Apaou niovei chinyat nouso noin.”
11Nungaih ngü apa tü sangh, “Tson taiutsün e-nemtso ai olip pai nime noitsün nung ti athat? 12Naiuso olip khiam tsangitsün chaiou lakkeng jiu nime olip paikea nime dongko noitsün nung ti athat?”
13Apaüh ngü tü sangh, “Ni nung tsüngeso?”
Ngo thalan, “Apaou, ngü tsünge,”
14Nungaih apaüh ngiom, “Nung goumchi athum Apaou nou Apa yathsüoau Goa nou tsomkiukü chosantsün khaiunia nime nou noin.”
Goa Nou Zerubabel Tü Thala
6Hong nou ngü tü nung Apaou ainou ngiongem Zerubabel hau kiuau ngiom: “Süpai oukong tsangkü nou tsüde, tsüdekünai a-oukong tsangkü nou tsüde, lüko Jü Onthso tsangkülu ni ashio eppe. 7Ni king nousoli songkü nou kiapjei lüko akhako nung mowane. Ni Amkham Tsam nou shanshi-e, naiuso ni athonting lung sanlut nai, khaiunia hoi nou, ‘Alengmei, alengmei!’” ta sangh asong nou we-e.
8Loüh Apaou ainou jüdongai ngiongem tsak shin. 9Apaüh ngiom, “Zerubabelüh nung Amkham Tsam athanya ya-iu, naiuso nung lahtsün apaüh lothone. Tilai nung thawao-e, Jü khaiuniasoüh ngüso dongai ni hongshitsün nung Ngü noin ta nge-e. 10aChhisiya nou kha ai tsükhu nou shiko ngüso lekkat, lüko ngüsoüh Zerubabel nung Amkham Tsam lahtsün tsülaokü eppe, naiuso ngüso nungko monglingat-e. Nungaih ngü thalakü ngiom, “Apaou, ngü tsünge.”
Currently Selected:
ZEKARIA 4: KHIABSI
Highlight
Copy
Compare
Share
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
