YOB 10
10
1Ngo aakih nou thathsüluwa- niu.
Jü akhosak namnamtü anglu.
2Aphio nai ngo lataiu, Goa.
Ngo ti aphio noin?
Ngo hau achite!
3Ni apemüh shantaiutsün lochilotsao au,
Ni nungti khosakkü hau ni ayam thakü noin süne?
Naiuso loüh akausai nouso mongyang nai monglengau ayam süne?
4Aakihlaiu sam aakihlaiu khekkü süne?
5Sam aakih lüko letkü süne?
6Nungaito jü angei nousotü hoilutkü jü aphio nouso chikü thaloutsün nung tiau?
7Ngo aphio tsünoi naiuso apha mong ainou ngo kipsanau sau tsünoi ta ni ngeji.
8Apaüh ngo shankü khemkiu,
naiuso lo nung apha noulu ngo lotheji.
9Ni ngo puja ainou shan ta ayangshi;
loüh ni ngo pukhaoli noipekshi-e süne?
10Ngo nyimsanau jüpo hau ni oukong kium;
jü nyiu thaimongai ni ngo sungjikan-in.
11Ni jünyih ou nouso ko mongkü yaplutkiu naiuso nung ou nouso tsah naiuso khun nousoüh lopok kium.
12Ni ngo hau aa nou naiuso asai atsüojin kium,
naiuso ni apaotsang nou ngo aa taiukiu.
13Lüko nung atao chikü ni ngo
tawaiau akauai ayangtaiu noiküla ta ngü lo ngeji.
14Ni awankiutsün nannanau ngü angei sun naito ta thapkü ni jiokü noiküla.
15Ngü angei sunhe si sunhe,
ngo niko atsonjek nai noiküla,
lüko tilai ngo thakü chhiji,
ngo ti amai tsüepji.
Ngo akuothe naiuso amiam nou meankü noin.
16Ngo tso tsak ashioloutsün noi naito,
ni ngo chongkhao tsak khekkü homatji;
ngo tawaiau to ni ii athanga chhisiya lüko chhiji.
17Ni jü thako asaita mitha ajantso taiuji;
jü thako ni mongmattsün asonglu sungji;
ni asaita ngo tü poshiau ayam ajantso yangkü noiji.
18Goa, ni ngo tiau chetsanha-in?
Khaiunia sauüh ngo mo-epkün khako ngo ean-iau noiküla.
19Thaimong ainou etamkhan nai saitha khutsün likoto tilaitso tsükihatengkü noiaubao chenela.
20Jü aakihlaiu yankü khuwanji tsüdeso?
Ngo pemsa awanan!
Ngü poitaiu nou ataoko ngo amongling-i.
21Ngo liukü khuwanji naiuso tilaitso laokü tsüshi shi-e-
anyakhem naiuso amaosang goumchi tsakai khuwanji.
22Tiai awon pem nou lüko anyakhem noin,
nung anyakhem, ah-khemsoh, naiuso apülaitsün goumchi tsakai khuwanji.
Zofar:
Currently Selected:
YOB 10: KHIABSI
Highlight
Copy
Compare
Share
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
