Psonm 24
24
Bondye I en Gran Lerwa
Psonm David.
1Later avek tou son larises,
lemonn avek tou son bann zabitan i pour SENYER.
2I ti etabli son fondasyon dan lanmer;
i ti fikse li dan profonder bann losean.
3Lekel ki kapab mont lo montanny SENYER?
Lekel ki pou kapab tenir debout
dan son sanktyer?
4Sa enn ki lanmen i prop e leker i pir;
ki pa aksepte mansonz
e ki pa fer fo promes pour tronp dimoun.
5I pou ganny benediksyon SENYER
e rekonnet koman zis devan Bondye son Sover.
6Konmsa menm zot pou ete,
bann ki rod Bondye e tourn ver Bondye Zakob.
7Bann laport! Ouver gran zot batan.
Ouver gran laport antik.
Les sa gran lerwa antre.
8Lekel sa gran lerwa?
Sa i SENYER ki for e pwisan.
Li menm SENYER ki viktorye dan konba.
9Ouver gran laport!
Ouver gran laport antik,
pour les gran lerwa antre.
10Lekel sa gran lerwa?
Li menm SENYER liniver.
Li menm sa gran lerwa.
Currently Selected:
Psonm 24: BSK
Highlight
Share
Compare
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
