Psonm 1
1
Vre Boner
1Byennere sa enn
ki pa ekout konsey bann malfeter,
ki pa swiv legzanp dimoun ki fer sa ki mal,
ki pa asiz parmi bann dimoun moker!
2O kontrer, i pran plezir dan lalwa SENYER
e medit lo son komannman,
lizour koman aswar.
3I parey en pye dibwa
ki'n ganny plante obor larivyer,
ki raport fri dan son sezon;
son fey i reste touzour ver.
I reisi dan tou sa ki i antreprann.
4I pa parey bann malfeter:
Zot koman lapay ki voltize dan divan.
5Pour sa rezon,
bann malfeter pa pou tenir debout dan zizman,
ni bann peser dan lasanble bann zis.
6Annefe, SENYER i protez semen bann ki zis.
Me bann malfeter i pran semen
ki anmenn dan perdisyon.
Currently Selected:
Psonm 1: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
