LOUTAO 29
29
Teikhai Teirü Hrohinou Mapao vei Paikho
1 Mapao ye paosholo, rakiva maitaore;
puhvei kathe ae khouko sü paosho khaio.
2 Mapao vei zhih aveih nasü paosholo;
Masheeo veyu phaki puhye nakou khurüa tholo.
3 Mapao vei paila hai zaidu hinou chouwe,
dusoyu Ramai nou teisüyu büa bue,
ae puhvei paikho hai zaidu pei hinou büpoa tawe.
4 Mapao vei pai hai khouko busho-e;
puhvei pai hai aveih ae aduso zhai lousho-e.
5 Mapao vei pai kho nou sedar süübe,
Lebanon hi buyu sedar süübe koute-e souchalou baiwe.
6Puhnou Lebanon hi deichitao hai panou chotoutu büa cho-a baiwe,
ae Harmon Deichi hai nahleyu chode büa panou taloua baiwe.
7 Mapao vei paikho nasü nou pa tei reivava paloua baiwe.
8 Mapao vei paikho sünou radeiki sü soulü lou-a baiwe,
puhnou Kadesh radeiki hai soulü peie.
9 Mapao vei paikho sünou phesüübe khesü soulü loua baiwe,
ae süünghou khesü hülai khaiwua panou sakhai-a bu baiwe,
ae puhvei Rathoki hinou maikhe mai nou haibüa sha bue,
“Mapao ye panou aveih aduso nasü soulo!”
10 Mapao nou zaidu pei hinou khosa-a nou bue,
puhnou teisa veo sü soua khosa-a hrülai.
11 Mapao nou puhvei maitao hi pfüchi sü peie,
ae kaonayu sünou puletaoye ha peie.
Currently Selected:
LOUTAO 29: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
