LOUTAO 149
149
Paoshoyu Lou
1 Mapao ye paosholo!
Mapao ye lou ashu nou sousho peikhaio;
puhvei chilee checheyu maitao nou vejüa buyu hinou puhye paosho khaio!
2Israel maiye panou puletaoye Sou-apeio donou asalo;
Zion hi maitaoye panou puletao vei veo donou lesalo!
3Puletaoye panou puhvei zhih hinou asashoa chopoa nou paosholo;
khubvü ae gaigou da-a puhye paosho khaio.
4 Mapao nou puhvei maitaoye donou savawe;
puhnou tainou soua laiyu maitaoye veilouyu nasü peia panou tsükhou peie.
5Ramai vei maitaoye panou ngalouyu donou asalo,
ae lesa shopoa nou kheimathe sü panou lou soukhaio.
6Puletaoye panou shura soupoa Ramai ye paosho khaio,
ae hei veishoyu khoche sü puletaoye panou poloua
7tyahrü kukheye sü hraongu soupei khaio ae maikhe maiye tudee peikhaio;
8puletao vei vemai taoye sü panou hurai nou phulo,
puletao vei süthai-apei maitaoye hurai nou phupeio;
9ae Ramai nou kharochi peikhai touyu büa tyahrütaoye tudee peio.
Haibüa Ramai vei maitao nou veiloulai.
Mapao ye paosholo.
Currently Selected:
LOUTAO 149: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
