LOUTAO 130
130
Soukha Khoyu Veachi
1Oh Mapaowo, E veasho-a buyu hinou neye kua bue.
2Avei pai sü kei peio, Oh Mapao;
Enou soukha peio tea paoyu avei pai sü keipeio.
3Etao vei mahmo khesü nenou licho-a buyu thaio,
thaonou ne nghoujü hinou lalou khailaige?
4Ana nenou etao vei mahmo khesü khaipeie,
südonou etao nou neye khuhao-a nou ne nghoujü nou la-a bue.
5Enou Mapao vei soukha nasü vuzhi sho-a nou bue,
ae puhvei chipao khesü enou louche-e.
6Reikhaoyu maitao nou tei thepayu nasü kho-a buyu jünou la-a ae puletao nou tei thepayu nasü vureih-a buyu jünou la-a nou Enou Mapao ye vureih-a nou bue.
7Israel maitao, Mapao ye louchelo,
daiolouzü puhvei leshi hai akhai ha-e ae puh hai teisa nou khailu peinüshoa bua baie.
8Puhnou puhvei maitao, Israel maitao vei
mahmo teitei nou khailu peilai.
Currently Selected:
LOUTAO 130: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
