LOUTAO 129
129
Israel maiye Ngaobayu Maitao donou veachi paoyu
1Oh Israel maitaore,
ngaobayu maitao nou kabüa neletaoye nahle-a bukinou chu koute hai souvea sho peie touyu khesü etao hi paongao khaio.
2“E nahle-a bukinou, eye ngaobayu maitao nou zhaipou shishoa souvea shopeie,
ana puletao nou ajünou veilouyu sü soumoe.
3Tatayu mainou dou shayu büa puletao nou aphao vasü zhimü thoushoa nou soupa peie.
4Ana checheyu Mapao nou Eye maivei qila soua buyu hinou pa lahdo soupeie.”
5Zion ye ngaora-a buyu mai hrülaiye sü hraongu soupeio ae hulai peio.
6Puletaoye sü panou kiphao hinou paopayu pounghou ali büa duso paloumo jünou phuthayu büa phutha peio.
7Sütao hai mai linoua pojükhai tumoe,
moyuma phujüloua pota chamoe.
8Mai linoua puletaoye panou haibüa paopeiso;
“Mapao ye panou neletao ha peitheo!
Etao nou neye Mapao zhih hinou shiha peiwe.”
Currently Selected:
LOUTAO 129: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
