LOUTAO 116
116
Thaire hinou Khailupa Peiyu Mainou Ramai ye Paoshoyu
1Enou Mapao ye sü leshi-e,
daiolouzü puhnou avei pai sü kei peie;
puhnou avei veachi sü keinou peie.
2Enou puhye kuyu chüsü,
puhnou apai sü keinou peie.
3Athai hi loutare kaozhou ashi sünanou Eye sühao loure,
khüh hi tare ngaopiyu nasü ahi nghitei loure,
Esü ngaopi-a nou dopfüa bua baire.
4Süthaisü Enou Mapao ye sü haibüa kue,
“Enou ne hinou ra-a nou khowe, Oh Mapaowo, Eye khailupa peio!”
5 Mapao hai zhuvea peisüh shoe ae veishoe;
Etao Ramai hai maiye leshi sühsho-e.
6 Mapao nou lülou hoyu maiye vupa peie;
Enou kaozhou shi-a buyu phaki, puhnou Eye khailupa peie.
7Oh arako, tsüle soutou toulo,
daiolouzü Mapao nou ahi veisho peikhai toue.
8 Mapao nou Eye thaire hinou khailupa peie;
puhnou anghidzü southe peie ae Eye panou hraongu hinou povailai peie.
9Südonou chuo Enou Mapao vei nghoujü nou,
hriyu maivei teidei hinou talai.
10Enou haibüa pao-a buyuma puhye louchelai,
“Eye soushi sasaloua khaipeiwe,”
11ae Enou ngaopi shopoa nou haibüa paoyuma “Mai ali koute-a louche lou hore,”
puhye likhei louche-a bua bailai.
12 Mapao nou ahi veisho peikhai toue,
südonou Enou puhye dainou peilaige?
13Enou khailupa peiyu pai nasü poa lashu peilai,
ae Mapao zhih sü kulai.
14Puhvei maitao nou vejüa buyu buh hinou Enou apaokhai touyu khesü puh hi pove peilai.
15 Mapao vei nghoujü hinou muh teishoyu hai puhye loucheyu mai ali nou thaitayu nasüe.
16Oh Mapaowo, E hai nevei kilai baie;
apfü nou souyu büa Enou nevei kuvah sü soulai.
E thaire hinou nenou Eye khailupa peie.
17Enou neye kaloyu vei posheela nasü pove peilai,
ae Mapao vei zhih sü kulai.
18-19Nevei maitao nou tave jüa buyu buh hinou,
nevei sheeyu Rathoki buyu Jerusalem hinou Enou apaokhai touyu khesü ne hi pove peilai.
Mapao ye paosholo!
Currently Selected:
LOUTAO 116: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
