LOUTAO 11
11
Mapao ye Loucheyu
1E Mapao hinou bailouwe.
Ne kabüa ahi haibüa paowe,
“Raohou büa deichiva zhao palo;
2daiolouzü mai ashi mainou puletao vei voulou sü mai aveih maiye kare donou paipaloua teloure.
3Ha teitei nou shitayu thaisü mai aveih mainou souloure daie bue.”
4 Mapao hai puhvei sheeyu rathoki hinou bue;
puhvei vebuh sü raki vanou bue.
Puhnou deiphao mai hrülaiye sü zhuwe ae puletao nou soupfüyu veishi sü süwe.
5Puhnou checheyu maiye sü zhupeiwe;
ana mai ashi ae züveiyu jüpayu maiye sü ngaora shoe.
6Puhnou maishi mai hisü meithou nou rükou peilai;
meikei vei teikhai sünou seive puletaoye sü tudee peilai.
7 Mapao hai cheche-e ae vah aveih souyu maiye sü leshi-e;
acheche mainou puhvei nghoujü hinou bulai.
Currently Selected:
LOUTAO 11: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
