LOUTAO 101
101
Veo Maivei Chaachou
1Avei lou hai maicheyu ae kaozüyu hinoue,
ae Enou lou sünasü ne hi souwe, Oh Mapaowo.
2Enou mah khaimoyu ludu hinou talai;
ne duki ahi velaige?
Enou avei hrümamai hai sheesha tea nou aki hinou bulai,
3ae hashi nasü hatara lisoua aetoukhai laimoe.
Ramai hinou tavai tayu mai ali vei vah haso khesü Enou ngaora-e,
Enou puletaoye sü koa hataralia souzho laimoe.
4Enou tsüle sheemoyu sü soulai moe,#101.4 tsüle sheemoyu sü soulai moe; moa tsüle sheemoyu mai hinou tavai loua bailai.
ae vah ashi#101.4 vah ashi; moa mai ashi. khesü Enou soukhailai moe.
5Kheikhei soua kinapa maiye paoshiyu maiye sü Enou hulaiwulai;
khaophu souyu mai ae khaityayu maiye koa Enou heamea poa nou bukhailai moe.
6Chilee checheyu maiye sü Enou zhuvea peilai,
ae puletao hai Eye koa abuh hinou bulai;
tsüle sheesha tea nou buyu maiye sü panou avei kuvah soua bulai.
7Dayu maiye sü panou avei buh hi bulai moe,
veikhokho soua laiyu maiye sü panou anghoujü hi bulai moe.
8Teithetsü Enou avei teidei hisü mai ashi maiye souha peilai,
Enou Mapao vei nuhdu hinou mai ashi maiye sü hulai-a bailai.
Currently Selected:
LOUTAO 101: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
