JOSHUA 13
13
Teidei Popu Laiyutao
1Chuo Joshua hai tsüloure alia puh pohaia taoli khere; südonou Mapao nou puh hi paoe, “Ne sü tsüloure alia ne pohaia taoli pare, anou neletao nou teidei popu loure alao buhie.” 2Teidei poloumoa shokhai touyu taohai haitaoe: Philistin alia Geshur mai vei teidei teitei, 3khekouh nou buyu Avvim mai teidei teitei noupu Ejipt maivei deirai hilo buyu Shihor reitou hinou poa reiloukhe Ekron mai deirai koute, sühai Kanaan maivei teideie teanou paowe; Philistin vemai angou taohai Gaza, Ashdod, Ashkelon, Gath alia Ekron hinou bue. 4Kanaan maivei teidei teitei, alia Me-arah (Sidon maivei teidei) hinou poa Aphek hi koute, Amor maivei deirai hi koute chua populoure bupu hie. 5Süthai Gabal mai teidei, teinghi palo buyu Lebanon mai dei teitei, Hermon deichi khelounou buyu Baalgad teidei hinou Hamath ludu hi kouhte-e. 6Sühai Lebanon deichi alia Misrephoth-Maim deichi kohinou hrüa buyu Sidon maivei teidei teitei nou louwe. Mapao nou paoe, “Enou teidei sütao hi hrüa buyu mai hrülai yesü hulai peilai Israel mainou takouyu phaki, teidei sütao hai Enou paohpeiyu büa Israel maiye sü zhipeio. 7Südonou chuo teidei haitao hai Israel mai khü akü hi alia Manasseh khü dahli hi puletao vei kaalo phasoua zhipeio.”
Jordan vei Teinghi Palo Teideitao Zhipeiyu
8Manasseh khü dahli ye koa Reuben alia Gad mai khü ye Mapao kilai Moses nou peiyu teidei taosü puletao nou ngaoloure, sühai Jordan teinghi palova nou bue. 9Puletao vei dei hai Aroer, sühai Arnon deikho kai hi koute, alia deikho touchü hi buyu nuhtao alia Medeba vei deikho hi koute, sühinou poa Dibon hi koute-e. 10Teidei haitao hai Heshbon hinou hrüa buyu Amor mai veo Shon vei nuh teitei loua nou Ammon mai deirai hi koute, 11Gilead ae Geshur mai alia Maakath mai deirai, alia Hermon deichi teitei ae Bashan teitei nou loua Salakah mai vei dei hi koue; 12Haihai Ashteroth alia Edrai hinou ve-a buyu Bashan hi Og veo vei veteidei taoe (Rapha mai hrohinou puh likheiye shopeia baie), haitao hai Moses nou reih veiloua nou hulai louyu taoe. 13Ana Israel mainou Geshur alia Maakah mai ye hulai loumore; puletao nou koa Israel maiye chukoutea sa-a hrüwe.
14Levi maikhü ye Moses nou dei peimoe, daiolouzü Mapao nou paoyu thaifüa Israel mai nou Ramai Mapao ye poa sheelayu natao nou pa puletao vei kaalo souwe.
Reuben Maiye Peiyu Teidei
15Moses nou Reuben maikhü ye puletao pfümounah thaifüa kaalo sü peie. 16Puletao vei teidei hai Arnon deikho kai hi buyu Areor hinou deikho touchü hi buyu nuhdutao alia Medebah vei dei kou-a buyu taoe. 17Sühinou Heshbon-a loue, alia deitao hinou khoa buyu nuhdu teitei, Dibon, Bamothbaal, Beth-baalmeon, 18alia Jahaz, Kedemoth, Mephaath, 19Kiriathaim, Sibmah, alia Zereth-shahar hi buyu dei kho tao, 20alia Beth-peor, Pisgah deishaotao, alia Beth-jeshimoth, 21sütao hai, deitao hi khoa buyu teitei, Moses nou reih soua veilouyu - Hesbon hinou ve-a buyu Amor veo Sihon vei vedei teitei loue. Moses nou puh alia puh thaosoua Midia hinou nuh khoa buyu Evi, Rekem, Zur, Hur, alia Reba, puletao hi reih veiloue. Puletao nou Sihon veo thaosoua sühi teidei taoye khasa-a hrüwe. 22Mai kukhe maitao ye koa Israel mainou khoche nou daothayu hisü nguyuna Boer nahpoutu Balaam-a louwe. 23Reuben maivei deirai hai teinghi loulo vatha kou Jordan rei hie. Reuben maiye kaalo peiyu hai puhmai pfümounah thaifüa, nuhdutao alia teidei haitao peie.
Gad Maiye Peiyu Teidei
24Moses nou Gad maikhüa puletao pfümounah thaifüa kaalo sü peie. 25Puletao vei teidei hai Jazar, Gilead vei nuhdu teitei, Amon mai teidei dahli, Rabbah hinou teinghi palo buyu Aroer hi koute-e, 26alia Hesbon hinou Ramath Mizpeh alia Betonim, Mahanaim hinou Debir teidei hi koute, 27alia Bethharam vei deikho tao, Bethnimrah, Sukkoth, alia Zaphon, Heshbon veo Sihon veteidei shokhai touyu teitei hai loue. Puhmai deirai hai teinghi loulova Jordan rei hinou poa kou Chinnereth Zai hi kouhte-e. 28Gad mai ye puhle pfümounah thaifüa kaalo peiyu tao hai teidei haitaoe.
Teinghi Palova buyu Manasseh Khü Dahliye Peiyu Teideitao
29Moses nou Manasseh khü dahli hie, puh maivei kihikha mai thaifüa kaalo sü peie. 30Puletao ye peikhai touyu teidei taohai Mahanaim hinou poa Bashan teidei teitei, Bashan hi buyu Og veteidei teitei, alia Bashan hi buyu Jair mai nuh taoe, sütaohai nuh rairoue, 31alia Gilead teidei dahli, Ashtaroth alia Edrei, Bashan hi buyu Og veo vei nuhdu teitei louwe; haitao hai Manasseh nahpoutu Makir kihikhamai dahli ye peie.
32Moses nou zhipeiyu teidei haitao hai teinghi palova buyu Jeriko alia Jordan rei holo vada buyu Moab maivei deikho taoe. 33Ana Levi khüye Moses nou dei peimoe, daivanou toulouzü Mapao nou puhmai hi paohpeiyu thaifüa; Israel maivei Ramai Mapao hai kaalo nasü baie.
Currently Selected:
JOSHUA 13: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
