JOB 26
26
Job
1Süthaisü Job nou chila peie:
2Neletao nou rako shishoyu alia lelou hoyu,
Eye soukha peiyu hai daizhou koute veisa!
3E büa avomai aliye daizhou koute veiyu chi nou paodou pei-a neletao vei tsüdo aveih nasü ahi peisa!
4Neletao vei chitao hai thaonou kei-nou peishulai tea neletao chowe?
Thaonou neletaoye ssü houthou pei-a haibüyu chi paolouwe?
(Bildad)#26.5 Bildad, puhvei zhih hai larübvü haihi hae, ana chipao haitao hai puhnou paoyu phae tea puh zhih nou peikhai toue.
5Dei khevai buyu dzü hinou thaimai rakotao nou pi ngu-a bue.
6Thaimai teidei vei kikhu sü Ramai hi houpha tea bubaie;
Puh vei nghingao hinou halinoua holouyu hae.
7Kusho-a buyu ratei hai Ramai nou soupeie alia deiphaoye panou halia hazei-a buyu hinou khizhua bue.
8Dzüye sü teihao panou hopfüa buwe,
alia süyule-a pota more donou Ramai nou soupeie.
9Khoudubvü avaye sü teihao thaivai nou tutsü-a panou bulouwe.
10Dzüdu pei hi puhnou va ali vawu-a teizhi alia ava dade peie.
11Puhnou rarou lou-a ratei ye tsüla-a buyu dekataoye pipei khaie puletao sü pi-nguwe.
12Puh vei khouko nou dzüdu jünou veilou ngaloue;
alia puhvei dokai aveih nanou maitoukhao Rahab ye souhaloue.
13Puh vei ssü nou rateiye phaishee peie,
alia puh bah nou tuta-a buyu maitoukhao ye southa peie.
14Ana haitao sü puhvei khouko kai-nou tou bai hie,
Enou noubei hinou chou rarayu büa baie,
Thaoki thaonah nou Ramai vei khouko haizhou bue touyu sü sülou khailai!
Currently Selected:
JOB 26: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
