ISAIAH 20
20
Rachi Paolawo nou Baitoua Tayu
1Assaria hi veo Sargon nou puhvei reihmai peikho naye seive Philistin maivei Ashdod nuhdu hi soureih soulou polouyu po nahi, 2Amoz nahpoutu Isaiah ye sü Mapao nou sabanü phawua baitoua tawo tea paoe. Puhnou paoyu chi züa sabanü ae phikha noumoa baitaoua ta-e. 3Süthaisü Mapao nou paoe, “Avei kilai Isaiah nou po asü hai sabanü banoumoa ae phikha thoumoa baitoua tayu büa Ejipt alia Ethiopia (Sudan) mainou talai. 4Assaria hi veo nou Ejipt maitao ae Ethopia maitaoye sü nahmai tsümai sümoa baitoua panou haongu soupeia nüpoa talai. 5Ethopia maiye louche-a buyu maitao alia Ejipt vanou khaophu soua buyu maikhe sü ngaopi talai ae hrao talai, puletao vei areih khesü hatalai. 6Sübüyu teithe veyu phaki, Philistin maivei zaipe hinou hrüa buyu maitao haibüa paolai, ‘Zhukhaio, Assaria mai bah hinou Etaoye panou vupa peiloure donou ae Etaoye soukha peiloure donou etao nou zhia buyu mai hisü haibüa vepare! Chuo Etao daipha soulai?’ ”
Currently Selected:
ISAIAH 20: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
