ISAIAH 12
12
Kalo Paoyu Lou
1Neletao nou haibüa lou soure teile sü velai:
“Oh Mapaowo, Enou nevei kathe sü paolai,
Raichokio ne ahi raroue,
ana chuo nevei lekha nasü latare, ae nenou Eye souva peie.
2Ramai hai Eye khailu apeio nasüe,
Enou puhye louchelai alia haku liye pilai moe;
daiolouzü puhnou avei khouko ae pfüchi nasüe,
puh hai Eye khailupa peiyu nasüe.
3Rei-a laimai nou veishoyu dzü ngaoloua asayu büa Ramai vei maitao sü puhnou khailupa peiyu donou asawe.”
4Maikhe mainou haibüa lou souyu teithe sü velai:
“Mapao hi kalo paokhaio!
Neye soukha peire donou puh zhih kulo!
Tyahrü teitei hi puhvei vah haso khesü paongao peikhaio;
puh hai daizhou koute due touyu sü paopei khaio.
5 Mapao nou soupeikhai touyu vah haso khesü puhye lou nou sousho peikhaio,
haisü deiphao mai hrülai hi paosüta peikhaio.
6Zion hinou hrüa buyu mai hrülai pai chi-a lou sü soukhaio,
daiolouzü Israel maivei sheeyu Ramai hai due-e,
ae puh sü puhvei maitao hinou koa bue.”
Currently Selected:
ISAIAH 12: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
