EZEKIEL 19
19
Veahoyu vei Lou Ali
1 Mapao nou veahoyu lou haina hai Israel hi veo nahpoutu ahai donou soukhaio tea paoe:
2Ne pfü hai kabüyu souveo kü sarou!
Honapai nou puhvei toutu hai zhaipou shisho-a buyu souveotao hrohinou kikopa peie.
3Honapai nou puhvei toutu hai kiduso papeie,
ae kabüa khaona nütoulai touyu dokai khesü doupeie;
ae puhnou maiye nütou tare.
4Tyahrütao nou puhvei ko khesü chouloure,
ae puhye deibvü hinou muloure.
Puhye sü hurai nou khiloua poho Ejipt hi khaiwure.
5Honapai nou dakhai ve shulai tea vuzhiyu hai areih hazei toure.
Süthaisü honapai nou toutu ali hai kikopapu loure,
ae puh-a khouko bushoyu souveo ali souloure.
6Puhnou dusopa louyu thai,
puh sü souveo kukhetaoye koa tare.
Puh-a kabüa khaona khesü nütoulai touyu dokai khesü douloure ae maiye nütou tare.
7Puhnou reihkhaobu khesü souphe soupho peie,#19.7 Larübvü ali hi pepoyu reihkhaobutao; Hebrew hi sheesha toumoe.
ae nuhdu khesü soushi souha peie.
Puhnou rayu pai sü choulou khaie maikhe mai hai ngaopire.
8Süthaisü tyahrütao nou puhye dure donou buliki buyu mai hrülai nou tave jüloure.
Puletao nou puhye nüloure donou besah sü popa loure ae puhye beloure.
9Puletao nou puhye sü bero hi thouloure,
ae puhye sü Babilon veo hi pove peire.
Puletao nou puhye sü kholoure,
sübüa puhnou rayu pai sü panou Israel maivei deichitao hinou choupu more.
10Nevei pfü hai reipe hinou shokhai touyu darkhabe ali bütou touwe.#19.10 Hebrew hi hai jünou larücha loupu hie, süsü daipaoyu sheesha moe.
Daiolouzü sühinou dzü hai veisho-a bukouteyu donou darkhabe nasü süünghou nou ae rashithou nou hopoa nou bubaie.
11Puhvei süübo khesü veishore,
ae veo vei süüpo sü poa souloure.
Darkhabe sü duso poa khe teihao hisü khere;
mai hrülai nou puhvei dusoyu ae veiyu sü ngaoloure.
12Ana rarouyu bah ali nou puhvei maa sü pailapu peiwure.
Teinghi palova teikhai sünou puhvei rashithou khesü hüraikou peiwure.
Puhvei süübo khesü sousha laiwure;
puletao nou thaita-a poa meidei loure.
13Chuo puhye sü deikiyu ae dzü lia hayu radeiki hinou poa shothou peie.
14Darkhabe nasü mei nou deire;
ae mei nou süübotao ae rashithou khesü deilaiwure.
Süübo khesü vei-a nou khoupu khailai more,
ae veo vei süüpo sü poa soupu khailai more.
Lou hai nasü leveayu vei lou-e; lou haina hai souyu thainou soupu khaikhailai.
Currently Selected:
EZEKIEL 19: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
