TAPALOUYU 40
40
Rathokipao Soushu louyu ae Mapao Bah hi Thaothouyu
1 Mapao nou Moses hi paoe, 2“Khouh arai navei khoukha ali zhou Mapao nou bure Rathokipao nasü soushu lakhailo. 3Buh sühisü chikha kirou louyu Vo Sübvü nasü thoukhailo, ae süna pah hinou haosah sü haolo. 4Ae taibel sü polou khailo, alia süphao hisü nakhe khailo. Süthaisü meibvü khaibu nasü polou khailoua sühisü meibvü sü mei taoa khailo. 5Pou kaivei meideire sana nou soukhai touyu posheelabu nasü Vo Sübvü pah hi khailo, alia Rathokipao hi taloure kikhubomü hisü haosah haolo. 6Pou kaivei meideire posheelabu nasü Rathokipao pah hi khailo. 7Dzü khüre raikhao nasü Rathokipao ae posheelabu kohinou dzü thouloua khailo. 8Chikuyu kide pehao teitei hi ae taloure kikhubomü hisü haosah nou haolo.
9“Süthaisü Rathokipao ae sühi buyu na teitei sü sheeyu theadzü nou poa neapeiwua Mapao bah hi thaothou peio, süthaisü na sütao teitei nou shee-a bailai. 10Süthaisü meideia posheelare posheelabu ae sühi buyu natao sü theadzü nealoua popeiwo, süthaisü posheelabu nasü sheesheelai sü souwulai. 11Sübütoua raikhao ae süna khaiyu buh nasü sousheeloua popeio.
12“Aaron ae puh nahpoutu maitaoye Rathokipao hi taloure kikhubomü hi sakouloua dzü khüshee peio. 13Süthaisü Aaron ye sheeyu napao meivei sabanü khesü banoupeio, ae puhye theadzü neapeiwua soushee-a popeio, sübüa puhye panou napao mai ali soua avah panou soulai. 14Puh nahpoutu maitaoye sakouloua naazao sü thoupeio. 15Ae puletao puoye theadzü neapeiyu büa puletao-a theadzü napeio, sübüa puletaoye panou napao mai ali soua avah panou soulai. Haibüa puletaoye theadzü neapeiyu hai nanou haithai vere khaphao hrülai hia puletao hai napao mai soulai.”
16 Mapao nou Moses hi kharochi peikhai touyu teitei sü puhnou souloue. 17Südonou puletao nou Ejipt teidei thaowua tapayu po ahai navei khouh araina khoukha ali zhou sü Rathokipao sü shula loure. 18Moses nou Rathokipao shula louyu thai, puhnou dekabei khesü thouloure, ae kizha khesü pothou kaloure, alia kaopoa tare süü sü thaithou loue, ae deka khesü shula loure. 19Mapao nou paoyu büa Moses nou Rathokipao nasü haoloure alia peiphao hore haosah nasüa holoure. 20Süthaisü puhnou chikhatao rüthou khai touyu chuh ahai sü poloua Vo Sübvü hisü thouloure, ae Sübvü na kaopore süü nasü thaithou loure alia zhuvea-apei buh nasü süphao hi khai loure. 21Süthaisü puhnou Sübvü nasü Rathokipao hi polou thouloua haosah nou holoure. Mapao nou kharochi peikhai touyu thaifüa puhnou Vo Sübvü nasü haosah nou hokhaiwure.
22Puhnou taibel nasü Rathokipao hi haosah haokhai touyu vakou, reilova hisü khailoue. 23Mapao nou puh hi kharochi peikhai touyu thaifüa, taibel hisü Mapao nghoujü hi posheela khaitouyu raokhao nasü khailoue. 24Puhnou meibvü khaibu nasü taibel khai touyu khelova Rathokipao hisü polou khailoue, 25ae Mapao nou puh hi kharochi peikhai touyu thaifüa meibvü nasü Mapao nghoujü hinou meitao khailoue. 26Puhnou sana nou soukhai touyu posheelabu nasü Rathokipao hi haosah haokhai touyu pah hi khailoue, 27ae Mapao nou kharochi peikhai touyu büa sühisü pou kainüvei sü meidei khaipeie. 28Puhnou Rathokipao hi taloure kikhubomü hisü haosah haoloue, 29ae süpah hisü meidei-a posheelabu nasü khailoue, ae sühisü meidei-a posheelayu ae thoudzü posheelayu khesü pove sheela peiwe, Mapao nou kharochi peiyu thaifüa. 30Puhnou dzü khüyu raikhao nasü Rathokipao ae posheelabu kohinou dzü thouloua khailoue. 31Sühi sünou Moses, Aaron ae puh nahpoutu maitao nou puletao phibah sü dzü khüwe, 32Mapao nou kharochi peikhai touyu thaifüa puletao nou Rathokipao hi talouyu phaki ae posheelabu hi kouyu phaki. 33Moses nou Rathokipao ae posheelabu pehao hinou chikuyu kide nasü soukhai loue, alia haosah khesü chikuyu kide hi taloure kikhubomü hisü haokhai loue. Haibüa Moses nou vah khesü soucheloue.
Mapao nou bure Rathokipao hi Teihao nou Kou Holouyu
(Mai 9.15-23)
34Süthaisü Rathokipao hisü teihao nou kou holoure, ae Mapao vei khouko ava sünou Rathokipao sü kou buloure. 35Haiva sünou Moses sü Rathokipao hi talou luhore. 36Israel maivei veihdu teitei hisü, teihao nanou Rathokipao thaowua takhaie, puletao vei fühao hai-a buh datawe. 37Teihao nanou Rathokipao hi buyu koute puletao vei fühao sü datawu moe. 38Puletao nou sübüa sühao-a veihdu ta-a bukisa sü Mapao nou puletao hisü teihao zhai hinou Rathokipao pei hisü heakou bupeiwe, alia khei hisü mei tao-a süpei hinou bupeiwe.
Currently Selected:
TAPALOUYU 40: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
TAPALOUYU 40
40
Rathokipao Soushu louyu ae Mapao Bah hi Thaothouyu
1 Mapao nou Moses hi paoe, 2“Khouh arai navei khoukha ali zhou Mapao nou bure Rathokipao nasü soushu lakhailo. 3Buh sühisü chikha kirou louyu Vo Sübvü nasü thoukhailo, ae süna pah hinou haosah sü haolo. 4Ae taibel sü polou khailo, alia süphao hisü nakhe khailo. Süthaisü meibvü khaibu nasü polou khailoua sühisü meibvü sü mei taoa khailo. 5Pou kaivei meideire sana nou soukhai touyu posheelabu nasü Vo Sübvü pah hi khailo, alia Rathokipao hi taloure kikhubomü hisü haosah haolo. 6Pou kaivei meideire posheelabu nasü Rathokipao pah hi khailo. 7Dzü khüre raikhao nasü Rathokipao ae posheelabu kohinou dzü thouloua khailo. 8Chikuyu kide pehao teitei hi ae taloure kikhubomü hisü haosah nou haolo.
9“Süthaisü Rathokipao ae sühi buyu na teitei sü sheeyu theadzü nou poa neapeiwua Mapao bah hi thaothou peio, süthaisü na sütao teitei nou shee-a bailai. 10Süthaisü meideia posheelare posheelabu ae sühi buyu natao sü theadzü nealoua popeiwo, süthaisü posheelabu nasü sheesheelai sü souwulai. 11Sübütoua raikhao ae süna khaiyu buh nasü sousheeloua popeio.
12“Aaron ae puh nahpoutu maitaoye Rathokipao hi taloure kikhubomü hi sakouloua dzü khüshee peio. 13Süthaisü Aaron ye sheeyu napao meivei sabanü khesü banoupeio, ae puhye theadzü neapeiwua soushee-a popeio, sübüa puhye panou napao mai ali soua avah panou soulai. 14Puh nahpoutu maitaoye sakouloua naazao sü thoupeio. 15Ae puletao puoye theadzü neapeiyu büa puletao-a theadzü napeio, sübüa puletaoye panou napao mai ali soua avah panou soulai. Haibüa puletaoye theadzü neapeiyu hai nanou haithai vere khaphao hrülai hia puletao hai napao mai soulai.”
16 Mapao nou Moses hi kharochi peikhai touyu teitei sü puhnou souloue. 17Südonou puletao nou Ejipt teidei thaowua tapayu po ahai navei khouh araina khoukha ali zhou sü Rathokipao sü shula loure. 18Moses nou Rathokipao shula louyu thai, puhnou dekabei khesü thouloure, ae kizha khesü pothou kaloure, alia kaopoa tare süü sü thaithou loue, ae deka khesü shula loure. 19Mapao nou paoyu büa Moses nou Rathokipao nasü haoloure alia peiphao hore haosah nasüa holoure. 20Süthaisü puhnou chikhatao rüthou khai touyu chuh ahai sü poloua Vo Sübvü hisü thouloure, ae Sübvü na kaopore süü nasü thaithou loure alia zhuvea-apei buh nasü süphao hi khai loure. 21Süthaisü puhnou Sübvü nasü Rathokipao hi polou thouloua haosah nou holoure. Mapao nou kharochi peikhai touyu thaifüa puhnou Vo Sübvü nasü haosah nou hokhaiwure.
22Puhnou taibel nasü Rathokipao hi haosah haokhai touyu vakou, reilova hisü khailoue. 23Mapao nou puh hi kharochi peikhai touyu thaifüa, taibel hisü Mapao nghoujü hi posheela khaitouyu raokhao nasü khailoue. 24Puhnou meibvü khaibu nasü taibel khai touyu khelova Rathokipao hisü polou khailoue, 25ae Mapao nou puh hi kharochi peikhai touyu thaifüa meibvü nasü Mapao nghoujü hinou meitao khailoue. 26Puhnou sana nou soukhai touyu posheelabu nasü Rathokipao hi haosah haokhai touyu pah hi khailoue, 27ae Mapao nou kharochi peikhai touyu büa sühisü pou kainüvei sü meidei khaipeie. 28Puhnou Rathokipao hi taloure kikhubomü hisü haosah haoloue, 29ae süpah hisü meidei-a posheelabu nasü khailoue, ae sühisü meidei-a posheelayu ae thoudzü posheelayu khesü pove sheela peiwe, Mapao nou kharochi peiyu thaifüa. 30Puhnou dzü khüyu raikhao nasü Rathokipao ae posheelabu kohinou dzü thouloua khailoue. 31Sühi sünou Moses, Aaron ae puh nahpoutu maitao nou puletao phibah sü dzü khüwe, 32Mapao nou kharochi peikhai touyu thaifüa puletao nou Rathokipao hi talouyu phaki ae posheelabu hi kouyu phaki. 33Moses nou Rathokipao ae posheelabu pehao hinou chikuyu kide nasü soukhai loue, alia haosah khesü chikuyu kide hi taloure kikhubomü hisü haokhai loue. Haibüa Moses nou vah khesü soucheloue.
Mapao nou bure Rathokipao hi Teihao nou Kou Holouyu
(Mai 9.15-23)
34Süthaisü Rathokipao hisü teihao nou kou holoure, ae Mapao vei khouko ava sünou Rathokipao sü kou buloure. 35Haiva sünou Moses sü Rathokipao hi talou luhore. 36Israel maivei veihdu teitei hisü, teihao nanou Rathokipao thaowua takhaie, puletao vei fühao hai-a buh datawe. 37Teihao nanou Rathokipao hi buyu koute puletao vei fühao sü datawu moe. 38Puletao nou sübüa sühao-a veihdu ta-a bukisa sü Mapao nou puletao hisü teihao zhai hinou Rathokipao pei hisü heakou bupeiwe, alia khei hisü mei tao-a süpei hinou bupeiwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.