LEVIMAI LARÜBVÜ 1
1
Meidei-a Posheelayu Zhai
1 Mapao nou Moses ye veloujüa buyu Sahpao hinou kuloua puh hi chikha haitao hai 2Israel mainou posheela peiyu phaki zhai haitao hai panou soupfüre donou paopeie.
Mai taralinoua hrikhaona poa sheelalai toulouzü, sünasü puhvei cho khome moa zhaotu moa nghitu khome hinou pove peilai. 3Puhnou puhvei kikhaorü hai meidei-a posheela peilai toulouzü, chaa hayu de/pou nou pove peilai. Mapao ye panou puhvei posheela nasü popei loure donou puhnou sünasü Mapao nou buyu Sahpao vei bomü hi pove khaipeilai. 4Meidei-a posheelare kikhaorü na pei hi puhnou bah deiloulai, sübüa puhvei mahmo khesü hai nanou pota peiwure tea poloulai. 5Puhnou chode nasü buh sühinou datha loulai, ae Aaron vei tyaosholea napao maitao nou zhe sü poloua Sahpao bomü hinou buyu posheelabu kainghou adai teitei hisü lazü peilai. 6Süthaisü puhnou souhee laopaloua soutao hai daode sasa khaipeilai, 7ae napao maitao nou posheelabu hisü mei deire süü hai soudaloua nou mei soupa peilai. 8Puletao nou sou vakhai touyutao hai, soupei ae southa noupu koa posheelabu phaova nou meidei peilai. 9Puhnou soulesou ae phi ahai sü dzütha peilai, ae napao nou sütao teitei poloua posheelabu hinou meideiwulai. Haibüa meidei-a posheela peiyu kai nüvei nasü Mapao nou jüpa-e.
10Mai talinou puhvei zhaotu moa nghitu hai posheela peilai toulouzü, süsü chaatao moyu pou/de noulai. 11Puhnou sünasü posheelabu reilova nou datha loulai, ae napao maitao nou zhe sü poloua posheelabu kainghou veishi hisü lazü peilai. 12Puhnou sou sü vapeilai, ae napao nanou sou sütao hai pei ae southeatao noupu koa meidei peilai. 13Puhnou lesou ae phitao hai dzü thapeilai, ae napao nou sütao hai Mapao hi posheela peiwua posheelabu hinou meidei khaiwulai. Haibüa meidei-a posheela peiyu hai Mapao nou jüpa-e.
14Mai ali nou raohou nou meidei-a posheela peilai toulouzü, sünasü khao moyuma rahou noulai. 15Napao nou sünasü posheelabu hi pokouloua pei hai dewulai, ae posheelabu hinou meidei peilai, alia zhe hai posheelabu pehao hi zhaokhai peilai. 16Puhnou lesoutao ae raohoumai taosü posheelabu vei teinghei palova vounai lakhaiyu buh hisü lapawulai. 17Puhnou shouh ahai hinou pailoua pfüro hai paikho loulai, ana shouh louzü paide laimoe. Süthaisü napao nanou sütao hai poloua meidei peilai. Haibüa meidei-a posheelayu hai Mapao nou jüpa-e.
Currently Selected:
LEVIMAI LARÜBVÜ 1: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
LEVIMAI LARÜBVÜ 1
1
Meidei-a Posheelayu Zhai
1 Mapao nou Moses ye veloujüa buyu Sahpao hinou kuloua puh hi chikha haitao hai 2Israel mainou posheela peiyu phaki zhai haitao hai panou soupfüre donou paopeie.
Mai taralinoua hrikhaona poa sheelalai toulouzü, sünasü puhvei cho khome moa zhaotu moa nghitu khome hinou pove peilai. 3Puhnou puhvei kikhaorü hai meidei-a posheela peilai toulouzü, chaa hayu de/pou nou pove peilai. Mapao ye panou puhvei posheela nasü popei loure donou puhnou sünasü Mapao nou buyu Sahpao vei bomü hi pove khaipeilai. 4Meidei-a posheelare kikhaorü na pei hi puhnou bah deiloulai, sübüa puhvei mahmo khesü hai nanou pota peiwure tea poloulai. 5Puhnou chode nasü buh sühinou datha loulai, ae Aaron vei tyaosholea napao maitao nou zhe sü poloua Sahpao bomü hinou buyu posheelabu kainghou adai teitei hisü lazü peilai. 6Süthaisü puhnou souhee laopaloua soutao hai daode sasa khaipeilai, 7ae napao maitao nou posheelabu hisü mei deire süü hai soudaloua nou mei soupa peilai. 8Puletao nou sou vakhai touyutao hai, soupei ae southa noupu koa posheelabu phaova nou meidei peilai. 9Puhnou soulesou ae phi ahai sü dzütha peilai, ae napao nou sütao teitei poloua posheelabu hinou meideiwulai. Haibüa meidei-a posheela peiyu kai nüvei nasü Mapao nou jüpa-e.
10Mai talinou puhvei zhaotu moa nghitu hai posheela peilai toulouzü, süsü chaatao moyu pou/de noulai. 11Puhnou sünasü posheelabu reilova nou datha loulai, ae napao maitao nou zhe sü poloua posheelabu kainghou veishi hisü lazü peilai. 12Puhnou sou sü vapeilai, ae napao nanou sou sütao hai pei ae southeatao noupu koa meidei peilai. 13Puhnou lesou ae phitao hai dzü thapeilai, ae napao nou sütao hai Mapao hi posheela peiwua posheelabu hinou meidei khaiwulai. Haibüa meidei-a posheela peiyu hai Mapao nou jüpa-e.
14Mai ali nou raohou nou meidei-a posheela peilai toulouzü, sünasü khao moyuma rahou noulai. 15Napao nou sünasü posheelabu hi pokouloua pei hai dewulai, ae posheelabu hinou meidei peilai, alia zhe hai posheelabu pehao hi zhaokhai peilai. 16Puhnou lesoutao ae raohoumai taosü posheelabu vei teinghei palova vounai lakhaiyu buh hisü lapawulai. 17Puhnou shouh ahai hinou pailoua pfüro hai paikho loulai, ana shouh louzü paide laimoe. Süthaisü napao nanou sütao hai poloua meidei peilai. Haibüa meidei-a posheelayu hai Mapao nou jüpa-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.