TAPALOUYU 39
39
Napao Maitao vei Sabanü Souyu
(Tap 28.1-14)
1Puletao nou daiyu, maomüyu ae hoyu soumai pha nou veishoa napao maitaoye panou Sheeyu Buh hi banouloua naanou soure donou sabanü khesü souloue. Puletao nou sheeyu sabanü sü Mapao nou Moses hi kharochi peikhai touyu büa Aaron vei sabanü khesü soupeie.
2Puletao nou ephod nasü daiyu, maomüyu ae zaiteiyu soumai pha; züzüyu sah aveih tya alia sana nou poa souloue. 3Puletao nou sana sü soupourei thouloua phapo büa souloure alia süsü poa deizüzüyu sah hi ae daiyu, maomüyu ae homarayu soumai sah hi cha southouloue. 4Puletao nou phao hi hokoure sah ahai sü souloua ephod kainghou ahai hisü panou lümore donou khipakhai loue. 5Mapao nou Moses hi kharochi peiyu büa, khyakho nasüa sana; daiyu, maomüyu ae zaiteiyu pha alia züzüyu sah nou souloua ephod nahisü khipaloue, 6Puletao nou onaiz chuh ahai sü poloua sühisü hü veishoa sana nou Israel nahmaitao zhih kiahai sü sühi rüthouloue. 7Israel mai khü kiahai taoye panou licho loure donou puletao nou chuh süna ahai sü phao daoyu ephod vahisü Mapao nou Moses hi kharochi peikhai touyu büa khipa thouloue.
Khaokha Souyu
(Tap 28.15-30)
8Puletao nou khaokha nasüa ephod souyu natao bütoua tei-daiyu, maomüyu ae zaiteiyu pha, züzüyu sah alia sana nou zhai veishoa daothouloua souloue. 9Haina hai sajha-a deitou toue alia ahai soua khikhai toue, sa shoyu nou sentimitar 22, ae jha duyua sentimitar 22 due. 10Puletao nou hainasü chuh mutei tyanou she adai soua thouloue. She araina hisü ruby, topaz ae garnet; 11dou ahai chena hisü emerald, saphir ae diamond; 12she asü chena nou jacinth, agate, ae amethyst; 13alia she adai chena hisü beryl, onyx, ae jasper. Chuh haitao hisü sana nou meakhai toue. 14Chuh sütao kiahai vahisü Jakob nahpoutu mai alili zhih sü rüthou khailoue, sübüa chuh sütao panou Israel mai khü kiahai bue touyu panou süloure donoue. 15Puletao nou khaokhava hisü sana veitya nou rai büa louloua southou khaitoue. 16Ae puletao nou sana nou haorü touyu ahai souloua khaokha hisü pokou khikhailoue 17Puletao nou sana nou rai büa loukhai touyu nasü poloua sana nou haorüa soukhai touyu khaokha hisü khipa khailoue. 18Ae raipo ahai sü poloua kainghou hi khiloua pokou ephod pah hi khipaloue. 19Süthaisü puletao nou sana nou haorü touyu ahai soukhai touyu nasü khaokhayu khelova ephod nghia levai hinou thoukhi khailoue. 20Puletao nou sana nou haorü touyu kukhe ahai-a soupuloua phao hinou khakouyu sah ahai ephod vei pah hi ae khyakho reilo bü hinou khipa khailoue. 21Mapao nou Moses hi paopeiyu thaifüa puletao nou khaokha hi thouyu haorü nasü ephod hi haorüyu naye koa tei-daiyu pha ali nou phupa khailoue, sübüa khyakho pei hinou buyu khaokha nasüa panou lümoa buloure donoue.
Napao Maitao vei Sabanü Kukhetao Souyu
(Tap 28.31-43)
22Ephod khevai nou naore naazao nasü tei-daiyu soumaipha likhei nou soua baie. 23Pei thaithoure mü soucha khaitouyu nahisü panou patamore donou daleichü tea soukhai toue. 24Phi zhukouyu naazao kainghou hisü tei-daiyu, maomüyu ae homarayu pha ae züzüyu sah nou radoushi zhai büa cha kuthou khaitoue. 25Puletao nou sana veitya nou hudabvü souloue, ae naazao phi hi zhukouyu ko kohi, sana nou soukhai touyu hudabvü na ae radoushi zhai büa soukhai touyu nasü reirei-a naazao kainghou hi khithouloue; 26Mapao nou Moses hi kharochi peikhai touyu zhai büa naazao phi hi zhukouyu koko hisü, sana nou soukhai touyu hudabvü na ae radoushi zhai büa soukhai touyu nasü reirei-a naazao kainghou hi khithouloue.
27Puletao nou Aaron alia puhvei nahpoutu maitao vei sabanü sü daopeie, 28alia peiphuyu sah, peirü, ae nükhe sü züzüyu sah veitya nou soupeie, 29ae khyakho nasü züzüyu sah alia tei-daiyu, maomüyu ae zaiteiyu soumaipha nou zhai veishoa Mapao nou Moses hi kharochi peiyu büa soupeie. 30Puletao nou sana veitya nou poupa zhai büa ali souloua sühisü “Mapao hi peithouwure” tea larücha daothou peie. 31Mapao nou Moses hi kharochi peiyu thaifüa sünasü puletao nou peiphuyu sah hi tei-daiyu raipo ali nou phupa khaipeie.
Vah Souche Louyu
(Tap 35.10-19)
32 Mapao nou Moses hi kharochi peikhai touyu büa Israel mainou Mapao nou buyu Rathokipao nasü souche loure. 33Puletao nou Moses hi Rathokipao, sünapei hi haore sahtao, pothou vaore hu ae sünavei kayu süütao, deka ae dekabeitao; 34kiphao hi haore nghitu ae zhaotu hee, haosah; 35Vo Sübvü ae sünaye kaopore süü, zhuvea-apei buh; 36taibel ae sühi poa vah soure natao; Ramai ye posheelare raokhao; 37sana veitya nou souyu meibvü khaibu; meibvü ae sühi loure natao alia meidzü; 38sana vei posheelabu; neare theadzü; mei deire pou kainüvei; Rathokipao vei kikhubomü hi haosah; 39baosahu vei posheelabu ae süna hi vaokhaire khophao, kaopoa tare süütao, alia sühi loure paikhaotao; phibah khüre raikhao ae süna khaiyu buh; 40Chikuyu kide hi taloure kikhubomü haosah, dekatao ae dekabeitao, kikha taloure kikhu haosah; Rathokipao hi ae chikuyu kide hi na vaokhaire shuhtao alia raitao; 41alia Sheeyu Buh hi napao maitao nou banou poa vah soure sabanütao, Napao Aaron ae puh nahpoutu maitao vei sabanütao hai puletao nou pove peie. 42Mapao nou Moses hi kharochi peikhai touyu vah teitei sü Israel mainou soupeie. 43Moses nou soukhai touyu vahtao sü zhue, ae Mapao nou soulo tea kharochi peikhai touyu thaifüa puletao nou souloue. Südonou Moses nou puletaoye shiha peie.
Currently Selected:
TAPALOUYU 39: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
TAPALOUYU 39
39
Napao Maitao vei Sabanü Souyu
(Tap 28.1-14)
1Puletao nou daiyu, maomüyu ae hoyu soumai pha nou veishoa napao maitaoye panou Sheeyu Buh hi banouloua naanou soure donou sabanü khesü souloue. Puletao nou sheeyu sabanü sü Mapao nou Moses hi kharochi peikhai touyu büa Aaron vei sabanü khesü soupeie.
2Puletao nou ephod nasü daiyu, maomüyu ae zaiteiyu soumai pha; züzüyu sah aveih tya alia sana nou poa souloue. 3Puletao nou sana sü soupourei thouloua phapo büa souloure alia süsü poa deizüzüyu sah hi ae daiyu, maomüyu ae homarayu soumai sah hi cha southouloue. 4Puletao nou phao hi hokoure sah ahai sü souloua ephod kainghou ahai hisü panou lümore donou khipakhai loue. 5Mapao nou Moses hi kharochi peiyu büa, khyakho nasüa sana; daiyu, maomüyu ae zaiteiyu pha alia züzüyu sah nou souloua ephod nahisü khipaloue, 6Puletao nou onaiz chuh ahai sü poloua sühisü hü veishoa sana nou Israel nahmaitao zhih kiahai sü sühi rüthouloue. 7Israel mai khü kiahai taoye panou licho loure donou puletao nou chuh süna ahai sü phao daoyu ephod vahisü Mapao nou Moses hi kharochi peikhai touyu büa khipa thouloue.
Khaokha Souyu
(Tap 28.15-30)
8Puletao nou khaokha nasüa ephod souyu natao bütoua tei-daiyu, maomüyu ae zaiteiyu pha, züzüyu sah alia sana nou zhai veishoa daothouloua souloue. 9Haina hai sajha-a deitou toue alia ahai soua khikhai toue, sa shoyu nou sentimitar 22, ae jha duyua sentimitar 22 due. 10Puletao nou hainasü chuh mutei tyanou she adai soua thouloue. She araina hisü ruby, topaz ae garnet; 11dou ahai chena hisü emerald, saphir ae diamond; 12she asü chena nou jacinth, agate, ae amethyst; 13alia she adai chena hisü beryl, onyx, ae jasper. Chuh haitao hisü sana nou meakhai toue. 14Chuh sütao kiahai vahisü Jakob nahpoutu mai alili zhih sü rüthou khailoue, sübüa chuh sütao panou Israel mai khü kiahai bue touyu panou süloure donoue. 15Puletao nou khaokhava hisü sana veitya nou rai büa louloua southou khaitoue. 16Ae puletao nou sana nou haorü touyu ahai souloua khaokha hisü pokou khikhailoue 17Puletao nou sana nou rai büa loukhai touyu nasü poloua sana nou haorüa soukhai touyu khaokha hisü khipa khailoue. 18Ae raipo ahai sü poloua kainghou hi khiloua pokou ephod pah hi khipaloue. 19Süthaisü puletao nou sana nou haorü touyu ahai soukhai touyu nasü khaokhayu khelova ephod nghia levai hinou thoukhi khailoue. 20Puletao nou sana nou haorü touyu kukhe ahai-a soupuloua phao hinou khakouyu sah ahai ephod vei pah hi ae khyakho reilo bü hinou khipa khailoue. 21Mapao nou Moses hi paopeiyu thaifüa puletao nou khaokha hi thouyu haorü nasü ephod hi haorüyu naye koa tei-daiyu pha ali nou phupa khailoue, sübüa khyakho pei hinou buyu khaokha nasüa panou lümoa buloure donoue.
Napao Maitao vei Sabanü Kukhetao Souyu
(Tap 28.31-43)
22Ephod khevai nou naore naazao nasü tei-daiyu soumaipha likhei nou soua baie. 23Pei thaithoure mü soucha khaitouyu nahisü panou patamore donou daleichü tea soukhai toue. 24Phi zhukouyu naazao kainghou hisü tei-daiyu, maomüyu ae homarayu pha ae züzüyu sah nou radoushi zhai büa cha kuthou khaitoue. 25Puletao nou sana veitya nou hudabvü souloue, ae naazao phi hi zhukouyu ko kohi, sana nou soukhai touyu hudabvü na ae radoushi zhai büa soukhai touyu nasü reirei-a naazao kainghou hi khithouloue; 26Mapao nou Moses hi kharochi peikhai touyu zhai büa naazao phi hi zhukouyu koko hisü, sana nou soukhai touyu hudabvü na ae radoushi zhai büa soukhai touyu nasü reirei-a naazao kainghou hi khithouloue.
27Puletao nou Aaron alia puhvei nahpoutu maitao vei sabanü sü daopeie, 28alia peiphuyu sah, peirü, ae nükhe sü züzüyu sah veitya nou soupeie, 29ae khyakho nasü züzüyu sah alia tei-daiyu, maomüyu ae zaiteiyu soumaipha nou zhai veishoa Mapao nou Moses hi kharochi peiyu büa soupeie. 30Puletao nou sana veitya nou poupa zhai büa ali souloua sühisü “Mapao hi peithouwure” tea larücha daothou peie. 31Mapao nou Moses hi kharochi peiyu thaifüa sünasü puletao nou peiphuyu sah hi tei-daiyu raipo ali nou phupa khaipeie.
Vah Souche Louyu
(Tap 35.10-19)
32 Mapao nou Moses hi kharochi peikhai touyu büa Israel mainou Mapao nou buyu Rathokipao nasü souche loure. 33Puletao nou Moses hi Rathokipao, sünapei hi haore sahtao, pothou vaore hu ae sünavei kayu süütao, deka ae dekabeitao; 34kiphao hi haore nghitu ae zhaotu hee, haosah; 35Vo Sübvü ae sünaye kaopore süü, zhuvea-apei buh; 36taibel ae sühi poa vah soure natao; Ramai ye posheelare raokhao; 37sana veitya nou souyu meibvü khaibu; meibvü ae sühi loure natao alia meidzü; 38sana vei posheelabu; neare theadzü; mei deire pou kainüvei; Rathokipao vei kikhubomü hi haosah; 39baosahu vei posheelabu ae süna hi vaokhaire khophao, kaopoa tare süütao, alia sühi loure paikhaotao; phibah khüre raikhao ae süna khaiyu buh; 40Chikuyu kide hi taloure kikhubomü haosah, dekatao ae dekabeitao, kikha taloure kikhu haosah; Rathokipao hi ae chikuyu kide hi na vaokhaire shuhtao alia raitao; 41alia Sheeyu Buh hi napao maitao nou banou poa vah soure sabanütao, Napao Aaron ae puh nahpoutu maitao vei sabanütao hai puletao nou pove peie. 42Mapao nou Moses hi kharochi peikhai touyu vah teitei sü Israel mainou soupeie. 43Moses nou soukhai touyu vahtao sü zhue, ae Mapao nou soulo tea kharochi peikhai touyu thaifüa puletao nou souloue. Südonou Moses nou puletaoye shiha peie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.