KOPAODOUWO 6
6
1Enou teinghi kheh hinou ashili ngaoe, alia sünanou mai pei hinou süsho-a bue. 2Mai ali hisü Ramai nou kini, paopu souyu, alia tsükhouyu hai pei-a pa puhvei jühpa alia chemoyu ha-a bue, ana Ramai nou puhye sütao poa sava loure khouko peimoe, sütea shikhomo mai linou sütao sü poa sava-a bue; haihai-a hamako ali baie; süsü choro souyu sounou alie. 3Mai alinou nahmai kaihli nalouyuma, po alao hrüyuma, süthemoa puhvei po taovei teithe alaoyuma, ana puhnou hrüvei havei taosü poa sava moyukou-o, alia poa daovure buh hayukou-o, Enou paoe, teile chemoa nayu nahmai ali nou puh jünou veipue. 4Daiolouzü sünasü hako hinou vewe alia teizhi hi loutare ae teizhi nou puh zhih sü holoure; 5sübai moa sünanou teinghi-a ngaokhai toumoe, moa hataralia sükhai timoe; ana puhnou ngaolou hoyu soyu nasü ngaoloure. 6Puhnou po thethe hrüyuma - haveilia poa sava loumoyu thaio, puhai mai ahai khinou buh ali hi vekhi bailai movu?
7Mai alinou terouyu hai puhvei müye donoue, ana puhvei müzo hai rukhalou moe. 8Daiolouzü tsüvei nanou voyupu jünou daie veipuyu bue? Alia touha mai linou mai nghoujünou kabüa talai tiyu zhai süyu vanou daie viyu bue? 9Nghingao nanou ho-hai jüpayu jünou veipu hie; haihai-a hamako baie alia teikhaiye thaihuyu ali baie.
10Hatara lia vepa-a bunasü rai-a zhih sapeiwure, alia puh jünou khouyu mailiye puhnou shaova louhoe tiyua rai-a süa bue. 11Chipao paopu khaie, komoyu hai-a pua baie, alia mai nanou veipuyu sü daie bue? 12Daiolouzü maili donou puhvei khungu büa ta-a buyu hamako vei hrü teile jütea buyu hi puhye donou daie veiyu bue tiyu thaonou süwe? Daiolouzü puh thailo, teinghi kheh hi daie bulai tiyu thaonou paolousüe?
Currently Selected:
KOPAODOUWO 6: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
