KOLOSSEMAI 4
4
1Paopumaitao, neletao vei Paopu ali rakihi bue touyu sü süpoa neletao vei qilataoye kaozüa ea veitoua zhupeio.
Doupeiyutao
2Veachipao hinou thaokhaimoa khoua bulo, alia Ramai hi kalo pao-a veachi paoyu hisü leikeilo. 3Alia Ramai nou Eletao hi Khrista vei kheitsüna vanou puh chipao paodou loure teile kaozhou avei peiloure donou Ehye donou-a veachi paopeio. Daiolouzü süna donou Esü chu hukhahi buwe. 4Südonou Enou paozüa buyu sübüa, chipao süsü sheetoua paoloure donou veachi paopeio.
5Neletao hi buyu teile kaozhouvei teiteisü soutaosou seia lüloumomaitao hisü kaishoa zhai tangaopeio. 6Neletao nou kazhaibüa maikhemai hrülaihi chila peizüe touyu süloure donou neletao chipaosü taikhü büa panou teisanou kaivei sholo.
Akhai Khurüyu Chidoh
7Tukhika nou Avanou ko teiteisü neletao hi paopeilai; puh hai leshiyu thaihou jürai, checheyu kuvahmai ea Mapaowo vei kuvah hinou koa kilai souyu mai alie. 8Süvanou Enou puhye Eletao hrülai hai kazhaibüa hrüsa touyu sü neletao hi paongao peiwu-a neletao lesü souva-sousa peiloure donou neletao hi seivewe. 9Puhye koa neletao mehi buyu leshiyu ea checheyu thaihou jürai Onesimas-a laiwe. Buh haihi pa-a buyu teitei vanou puletao nou neletao hi paopeilai.
10Eye koa hukha hinou buyu Aristarkha nou neletao hi khurüyu chidoh seiwe, alia sübüa Barnabas tao Mark nou-a seiwe. (Puh vanou raikinou neletao hi Enou paopeiwuyu büa— puh hai neletao hi velouzü puhye sü sasa-a shepeio.) 11Jastas tea kuyu Joshua nou-a khurüyu chidoh seiwe. Hee rodeyu maitao hronou mai asü haitao likheinou Eye koa Ramai Vedei donou vah soubaie, alia puletao nou Eye sü alaosou souva peiwe.
12Neletao me hinou ali soua buyu ea Khrista Jisu kilai ali soua buyu Epaphras hinou khurüyu chidoh seivewe. Puhnou neleye panou Ramai leli teitei hinou liche-a ea chekhoua laloure donou lenoushoa veachi pao-a teisanou neletaoye lichowe. 13Daiolouzü puhnou neletaoye donou, alia Laodikia hi ea Hierapolis hi buyu maitao donou te-a vah souwe touyu sü Enou zhopaoh soupei lousüe. 14Eletao nou leshiyu Pou-apeio Luk ea Demas nou neletao hi khurüyu chidoh seiwe.
15Eletao vei khurüyu chidoh hai Laodikia hi buyu thaihou jüraitaohi, Nimpha ea puh kihinou vedzüa buyu lüloumaime hi peikhaio. 16Neletao nou seiko haina phoucheyu thaisü, hainasü panou Laodikia hi buyu lüloumaimeye-a phou vuzükhaio; alia neletao-a Laodikia hi buyu thaihou jüraitao nou neletao hi seive peilaiyu seiko nasü phouwo. 17Alia Arkippa hi, “Mapaowo kuvah donou nehi peikhai touyu vah nasü souvete loure zhutou loukhaio” tea paopeio.
18Paul Ahinou khurüyu vei chidoh seivewe. Haisü lah Abah vuzünou rüwe. Eye phukhai touyu sü lichopeio!
Ramai zhuveasü neletaoye koa buloutheo.
Currently Selected:
KOLOSSEMAI 4: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
KOLOSSEMAI 4
4
1Paopumaitao, neletao vei Paopu ali rakihi bue touyu sü süpoa neletao vei qilataoye kaozüa ea veitoua zhupeio.
Doupeiyutao
2Veachipao hinou thaokhaimoa khoua bulo, alia Ramai hi kalo pao-a veachi paoyu hisü leikeilo. 3Alia Ramai nou Eletao hi Khrista vei kheitsüna vanou puh chipao paodou loure teile kaozhou avei peiloure donou Ehye donou-a veachi paopeio. Daiolouzü süna donou Esü chu hukhahi buwe. 4Südonou Enou paozüa buyu sübüa, chipao süsü sheetoua paoloure donou veachi paopeio.
5Neletao hi buyu teile kaozhouvei teiteisü soutaosou seia lüloumomaitao hisü kaishoa zhai tangaopeio. 6Neletao nou kazhaibüa maikhemai hrülaihi chila peizüe touyu süloure donou neletao chipaosü taikhü büa panou teisanou kaivei sholo.
Akhai Khurüyu Chidoh
7Tukhika nou Avanou ko teiteisü neletao hi paopeilai; puh hai leshiyu thaihou jürai, checheyu kuvahmai ea Mapaowo vei kuvah hinou koa kilai souyu mai alie. 8Süvanou Enou puhye Eletao hrülai hai kazhaibüa hrüsa touyu sü neletao hi paongao peiwu-a neletao lesü souva-sousa peiloure donou neletao hi seivewe. 9Puhye koa neletao mehi buyu leshiyu ea checheyu thaihou jürai Onesimas-a laiwe. Buh haihi pa-a buyu teitei vanou puletao nou neletao hi paopeilai.
10Eye koa hukha hinou buyu Aristarkha nou neletao hi khurüyu chidoh seiwe, alia sübüa Barnabas tao Mark nou-a seiwe. (Puh vanou raikinou neletao hi Enou paopeiwuyu büa— puh hai neletao hi velouzü puhye sü sasa-a shepeio.) 11Jastas tea kuyu Joshua nou-a khurüyu chidoh seiwe. Hee rodeyu maitao hronou mai asü haitao likheinou Eye koa Ramai Vedei donou vah soubaie, alia puletao nou Eye sü alaosou souva peiwe.
12Neletao me hinou ali soua buyu ea Khrista Jisu kilai ali soua buyu Epaphras hinou khurüyu chidoh seivewe. Puhnou neleye panou Ramai leli teitei hinou liche-a ea chekhoua laloure donou lenoushoa veachi pao-a teisanou neletaoye lichowe. 13Daiolouzü puhnou neletaoye donou, alia Laodikia hi ea Hierapolis hi buyu maitao donou te-a vah souwe touyu sü Enou zhopaoh soupei lousüe. 14Eletao nou leshiyu Pou-apeio Luk ea Demas nou neletao hi khurüyu chidoh seiwe.
15Eletao vei khurüyu chidoh hai Laodikia hi buyu thaihou jüraitaohi, Nimpha ea puh kihinou vedzüa buyu lüloumaime hi peikhaio. 16Neletao nou seiko haina phoucheyu thaisü, hainasü panou Laodikia hi buyu lüloumaimeye-a phou vuzükhaio; alia neletao-a Laodikia hi buyu thaihou jüraitao nou neletao hi seive peilaiyu seiko nasü phouwo. 17Alia Arkippa hi, “Mapaowo kuvah donou nehi peikhai touyu vah nasü souvete loure zhutou loukhaio” tea paopeio.
18Paul Ahinou khurüyu vei chidoh seivewe. Haisü lah Abah vuzünou rüwe. Eye phukhai touyu sü lichopeio!
Ramai zhuveasü neletaoye koa buloutheo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.