1 THESSALONIMAI 1
1
1Paul, Sailas ea Timothi hinou Puo Ramai ea Mapao Jisu Khrista hi buyu Thessalonika lüloumaimehi rüwe:
Zhuvea ea kaonayu sü neletao hi buyu souloutheo.
Thessalonimai Hrü ea Lü
2Ehnou veachi paoyutsü hisü neletao zhih kuthoua teisanou neletao hrülai donou Ramai hi kalo pao-a bue. 3Ehnou tobai soumoa Eletao Puo ea Ramai puh nghojünou kabüa neletao nou neletao vei lü nasü pothoua vah sousa, kabüa neletao vei leshi nanou neletaoye panou chihshoa vah sousa, alia kabüa neletao nou Eh Mapaowo Jisu Khrista hisü rei-a khoushoa busa touyu vanou li-choa bue. 4Eh thaihou jürai maitao, Ramai nou neletaoye leshiwe ea lah puhvei soure donou neletaoye doloure touyu sü Ehnou süwe. 5Daiolouzü Ehnou chipao avei nasü chipaonou likheithe paobaimoa khouko ea Rako Mashi noupu süsü cheche vuzüe touyu sü sütoupoa nelehi povepeie. Ehnou neletaoye koa hrübuki Eh hai kabüa hrüsa touyu sü neletao nou süwe; alia süsü lah neletao veiloure donou baie. 6Alia neletao hai Eh ea Mapao vei zhaido douyumaitao souloure, daiolouzü vea-hoyu alaosou daokhaia, neletao nou chipao süsü Rako Mashinou süpeia sasa-a poloure. 7Südonou neletao hai Makedonia ea Akhaia hi buyu lüloumaitao hrülai donou doulou veiyu zhai alie. 8Daiolouzü Makedonia ea Akhaia teidei teiteihi Mapao vei chipaosü neletao hinou paodoupoa tayu likhei baimoa Ramai hi neletao nou lüyu vanou buh likihi kupoa tare. Südonou Ehnou halia paore matsü hare. 9Daiolouzü Ehnou neletaoye ve zhuyuki neletao nou kabüa Ehye sasa-a shepeisa ea kabüa cheche ea hriyu Ramai kuvah soure donou neletao nou basharatao hinou Ramai hi dakhai velouresa, 10puhnah Poutu, puhnou athai hinou souhrishu louyuna sülouzü Eletaoye vere Ramai vei rarou hinou khailupa peiyu Jisu veresü kabüa neletao nou khoa busa touyu vanou puletao lahnou paongao-a bue.
Currently Selected:
1 THESSALONIMAI 1: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
1 THESSALONIMAI 1
1
1Paul, Sailas ea Timothi hinou Puo Ramai ea Mapao Jisu Khrista hi buyu Thessalonika lüloumaimehi rüwe:
Zhuvea ea kaonayu sü neletao hi buyu souloutheo.
Thessalonimai Hrü ea Lü
2Ehnou veachi paoyutsü hisü neletao zhih kuthoua teisanou neletao hrülai donou Ramai hi kalo pao-a bue. 3Ehnou tobai soumoa Eletao Puo ea Ramai puh nghojünou kabüa neletao nou neletao vei lü nasü pothoua vah sousa, kabüa neletao vei leshi nanou neletaoye panou chihshoa vah sousa, alia kabüa neletao nou Eh Mapaowo Jisu Khrista hisü rei-a khoushoa busa touyu vanou li-choa bue. 4Eh thaihou jürai maitao, Ramai nou neletaoye leshiwe ea lah puhvei soure donou neletaoye doloure touyu sü Ehnou süwe. 5Daiolouzü Ehnou chipao avei nasü chipaonou likheithe paobaimoa khouko ea Rako Mashi noupu süsü cheche vuzüe touyu sü sütoupoa nelehi povepeie. Ehnou neletaoye koa hrübuki Eh hai kabüa hrüsa touyu sü neletao nou süwe; alia süsü lah neletao veiloure donou baie. 6Alia neletao hai Eh ea Mapao vei zhaido douyumaitao souloure, daiolouzü vea-hoyu alaosou daokhaia, neletao nou chipao süsü Rako Mashinou süpeia sasa-a poloure. 7Südonou neletao hai Makedonia ea Akhaia hi buyu lüloumaitao hrülai donou doulou veiyu zhai alie. 8Daiolouzü Makedonia ea Akhaia teidei teiteihi Mapao vei chipaosü neletao hinou paodoupoa tayu likhei baimoa Ramai hi neletao nou lüyu vanou buh likihi kupoa tare. Südonou Ehnou halia paore matsü hare. 9Daiolouzü Ehnou neletaoye ve zhuyuki neletao nou kabüa Ehye sasa-a shepeisa ea kabüa cheche ea hriyu Ramai kuvah soure donou neletao nou basharatao hinou Ramai hi dakhai velouresa, 10puhnah Poutu, puhnou athai hinou souhrishu louyuna sülouzü Eletaoye vere Ramai vei rarou hinou khailupa peiyu Jisu veresü kabüa neletao nou khoa busa touyu vanou puletao lahnou paongao-a bue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.