KOLOSSEMAI 3
3
1Neletao hai Khristaye koa hrishu loure touyu thaisü, Khrista nou Ramai bahkha zhoulo vanou buyu buh, reikouvei nataosü phoulo. 2Neletao vei tsühai deiphao vei nataohi moa reikou vei natao hi khailo. 3Daiolouzü neletaowo thaire, alia neletao hrümaisü Khristaye koa Ramai hinou pokure. 4Eletao vei ahri Khrista puh veyu kisü, neletao-a puhye koa veloua puh khouko avasü zha ngaozholai!
Hrü Akuna ea Ashuna
5Südonou neletao lekhe hinou deiphao vei züpa vah soua buyu taosü southeawuwo, sütaowo louzü khulou souyu, sheemoyu vah souyu, kezhe züpa, ashi züpayu ea dutounüyu haitaoe, (daiolouzü dutounüyu hai basharaye thoyu zhai alie). 6Mah haitao vanou paoyu chi zübayu nahmaitao pei hi Ramai cha vewe. 7Teile lihi mah haitaonou neletao hrümaiye tukha sahrüyu kisü, lah neletaosü haibüyu züpatao thaifüa hrüe.
8Ana chuo neletao nou haitao teiteisü thao vuzüwulai: lekhayu, rarouyu, maiye ngaorayu, alia maichi paoshiyu, hraopachi paoyu haitao hai neletao tai hinou panou hakia paopa laimoe. 9Neletao alinou lihi dawuso, daiolouzü neletao nou zhai akunasü sünavei vahtao-a pu koa laikhaire, 10alia zhai ashu nasü thouloure, zhai haina hai hainaye sou-apeio Ramai nou puh zhu rai-a tsü hinou sousheepupei khaitouyu zhai nasüe. 11Zhai ashu haina hisü, tahrüh kukhemai ea Jihudimai touyu, hee rodeyumai ea rodemoyu mai touyu, hasü moyu-dupamoyu tahrümai touyu, qila, do soumai touyu ali-a hae, ana Khrista nou ha teitei baie ea puhwo ha teiteihi bubaie.
12Neletaowo Ramai vei maikhe maitaoe: puhnou neletaoye leshie ea neletaoye lah puhvei donou doloure. Südonou neletao hai khuleshinou, zhuvea nou, nataiyu nou, nashayu nou, alia shameayu nou, neletao lah bahnou vuzülai. 13Alinou liye koa shamea peikhaio ea hatakinou neletao hronou alinou kukhe ali pei hi motouyu bulouzü alinou liye khaipeio. Mapaowo nou neletaoye khaipeiyu büa neletao-a alinou liye khaipei vuzülai. 14Alia zhai haitao teitei pei hinou, ha teiteiye liche-a lerozhoyu hinou phumuzho peiyu leshi nasü bahnoulo. 15Alia Khrista vei kaonayu sünanou neletao lesü panou tukha sahrüloukhaio; daiolouzü kaonayu hainahi Ramai nou neletaoye pfüphao alihi kuve dzüpei khaitoue. Alia kalo pao-a bulo. 16Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio. 17Neletao nou souyu moa paoyu hata hisü, Mapaowo Jisu zhih hinou Puo, Ramai hi puh vanou kalo pao-a soupfülouwo.
Khristamai Kikha Hrü
18Chapfümaitao, neletao chaamaitao khakhe hinou hrülo, daiolouzü haisü Mapaowo hinou souzüe.
19Chaamaitao, neletao chapfümaitaoye leshilo ea puletao hisü poushiwuso.
20Nahmaitao, ha teitei hinou neletao pfüpuo chi zülo, daiolouzü haisü Mapaowoye rukha soupeiwe.
21Puokhemai, neletao nahmaitaoye sou rarouwuso, molouzü puletaosü le khaita shulai.
22Qilatao, ha teitei hinou neletao deiphao hi paopumaitao chi sü zülo, süolouzü maiye le sousa loure puletao vei nghingao hinou likhei baimoa Mapaoye khuhaoyu hilonou le sheetoua kuvah soukhaio. 23Alia neletao nou soupfüyu tasü, emai hi moa Mapaowo hi soupei baiwe tea neletao le teitei nou soupfükhaio. 24Mapaowo nou lah puhvei maitaohi peilai tea khaidakhai touyu kaalo nasü buu büa neletao hi peilai touyu sü neletao nou licholo. Daiolouzü Khrista hai neletao nou kuvah soua buyu checheyu Mapao nasüe. 25Ana kaozümoa souyumai tali hisü puhnou kaozümoa souyu süna thaifüa pao rüpeilai, daiolouzü Ramai nou mai hrülaiye hrüzhai ali hinou chikuwe.
Currently Selected:
KOLOSSEMAI 3: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
KOLOSSEMAI 3
3
1Neletao hai Khristaye koa hrishu loure touyu thaisü, Khrista nou Ramai bahkha zhoulo vanou buyu buh, reikouvei nataosü phoulo. 2Neletao vei tsühai deiphao vei nataohi moa reikou vei natao hi khailo. 3Daiolouzü neletaowo thaire, alia neletao hrümaisü Khristaye koa Ramai hinou pokure. 4Eletao vei ahri Khrista puh veyu kisü, neletao-a puhye koa veloua puh khouko avasü zha ngaozholai!
Hrü Akuna ea Ashuna
5Südonou neletao lekhe hinou deiphao vei züpa vah soua buyu taosü southeawuwo, sütaowo louzü khulou souyu, sheemoyu vah souyu, kezhe züpa, ashi züpayu ea dutounüyu haitaoe, (daiolouzü dutounüyu hai basharaye thoyu zhai alie). 6Mah haitao vanou paoyu chi zübayu nahmaitao pei hi Ramai cha vewe. 7Teile lihi mah haitaonou neletao hrümaiye tukha sahrüyu kisü, lah neletaosü haibüyu züpatao thaifüa hrüe.
8Ana chuo neletao nou haitao teiteisü thao vuzüwulai: lekhayu, rarouyu, maiye ngaorayu, alia maichi paoshiyu, hraopachi paoyu haitao hai neletao tai hinou panou hakia paopa laimoe. 9Neletao alinou lihi dawuso, daiolouzü neletao nou zhai akunasü sünavei vahtao-a pu koa laikhaire, 10alia zhai ashu nasü thouloure, zhai haina hai hainaye sou-apeio Ramai nou puh zhu rai-a tsü hinou sousheepupei khaitouyu zhai nasüe. 11Zhai ashu haina hisü, tahrüh kukhemai ea Jihudimai touyu, hee rodeyumai ea rodemoyu mai touyu, hasü moyu-dupamoyu tahrümai touyu, qila, do soumai touyu ali-a hae, ana Khrista nou ha teitei baie ea puhwo ha teiteihi bubaie.
12Neletaowo Ramai vei maikhe maitaoe: puhnou neletaoye leshie ea neletaoye lah puhvei donou doloure. Südonou neletao hai khuleshinou, zhuvea nou, nataiyu nou, nashayu nou, alia shameayu nou, neletao lah bahnou vuzülai. 13Alinou liye koa shamea peikhaio ea hatakinou neletao hronou alinou kukhe ali pei hi motouyu bulouzü alinou liye khaipeio. Mapaowo nou neletaoye khaipeiyu büa neletao-a alinou liye khaipei vuzülai. 14Alia zhai haitao teitei pei hinou, ha teiteiye liche-a lerozhoyu hinou phumuzho peiyu leshi nasü bahnoulo. 15Alia Khrista vei kaonayu sünanou neletao lesü panou tukha sahrüloukhaio; daiolouzü kaonayu hainahi Ramai nou neletaoye pfüphao alihi kuve dzüpei khaitoue. Alia kalo pao-a bulo. 16Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio. 17Neletao nou souyu moa paoyu hata hisü, Mapaowo Jisu zhih hinou Puo, Ramai hi puh vanou kalo pao-a soupfülouwo.
Khristamai Kikha Hrü
18Chapfümaitao, neletao chaamaitao khakhe hinou hrülo, daiolouzü haisü Mapaowo hinou souzüe.
19Chaamaitao, neletao chapfümaitaoye leshilo ea puletao hisü poushiwuso.
20Nahmaitao, ha teitei hinou neletao pfüpuo chi zülo, daiolouzü haisü Mapaowoye rukha soupeiwe.
21Puokhemai, neletao nahmaitaoye sou rarouwuso, molouzü puletaosü le khaita shulai.
22Qilatao, ha teitei hinou neletao deiphao hi paopumaitao chi sü zülo, süolouzü maiye le sousa loure puletao vei nghingao hinou likhei baimoa Mapaoye khuhaoyu hilonou le sheetoua kuvah soukhaio. 23Alia neletao nou soupfüyu tasü, emai hi moa Mapaowo hi soupei baiwe tea neletao le teitei nou soupfükhaio. 24Mapaowo nou lah puhvei maitaohi peilai tea khaidakhai touyu kaalo nasü buu büa neletao hi peilai touyu sü neletao nou licholo. Daiolouzü Khrista hai neletao nou kuvah soua buyu checheyu Mapao nasüe. 25Ana kaozümoa souyumai tali hisü puhnou kaozümoa souyu süna thaifüa pao rüpeilai, daiolouzü Ramai nou mai hrülaiye hrüzhai ali hinou chikuwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.